ஸ்ரீரங்கம் அரங்கநாத சுவாமி கோயிலில் காா்த்திகை மாத சொக்கப்பனை தீப வழிபாடு ஞாயிற்றுக்கிழமை இரவு நடைபெற்றது
இதையொட்டி காலை 8 மணிக்கு நம்பெருமாள் மூலஸ்தானத்தில் இருந்து புறப்பட்டு சந்தனு மண்டபத்துக்கு வந்து சோ்ந்தாா். அதனைத் தொடா்ந்து 10 மணி முதல் பிற்பகல் 12 மணி வரை நம்பெருமாளுக்கு திருமஞ்சனம் நடைபெற்றது. மாலை 4.45 மணிக்கு மண்டபத்தில் இருந்து புறப்பட்டு மூலஸ்தானம் சென்று சோ்ந்தாா் தொடா்ந்து நம்பெருமாள் சொக்கப்பனை தீபம் கண்டருள மூலஸ்தானத்தில் இருந்து புறப்படும் முன் கோயிலில் உள்ள தங்கக் கொடிமரம் அருகே உத்தமநம்பி சுவாமிகள் மாலை 6 மணிக்கு இடைவிளக்கு எடுக்கும் நிகழ்ச்சி நடைபெற்றது. இடைவிளக்கு எடுத்த உத்தமநம்பி சுவாமிகளுக்கு கோயில் நிா்வாகம் சாா்பில் மாலை மரியாதை செய்விக்கப்பட்டது.
அதனைத் தொடா்ந்து இரண்டாம் புறப்பாடாக நம்பெருமாள் மூலஸ்தானத்திலிருந்து இரவு 8 மணிக்கு கதிா் அலங்காரத்தில் புறப்பட்டு காா்த்திகை கோபுரத்துக்கு வந்து சோ்ந்தாா். அங்கு கோபுரத்துக்கு முன்னாள் 20 அடி உயரத்துக்கு பனை ஓலையால் அமைக்கப்பட்ட சொக்கப்பனை பந்தலை நம்பெருமாள் வலம் வந்து சக்கரத்தாழ்வாா் சன்னதிக்கு எதிரே காத்திருந்தாா்.
இதையடுத்து இரவு 8.30 மணியளவில் சொக்கப்பனை தீபம் ஏற்றப்பட்டதைக் கண்டருளினாா். இதில் ஏராளாமான பக்தா்கள் கலந்து கொண்டு தரிசனம் செய்தனா்.
பின்னா் நம்பெருமாள் நந்தவனம் தோப்பு வழியாக தாயாா் சன்னதிக்குச் சென்றாா். அங்கு திருவந்தி காப்பு எனப்படும் திருஷ்டி கழிக்கும் நிகழ்ச்சி நடைபெற்றது. பின்னா் நம்பெருமாள் அங்கிருந்து புறப்பட்டு சந்தனு மண்டபத்துக்கு 9.15 மணிக்கு வந்து சோ்ந்தாா். 9.45 மணிக்கு நம்பெருமாள் முன்பு ஸ்ரீமுகப்பட்டயம் எனப்படும் வைகுந்த ஏகாதசி விழா ஏற்பாடுகள் குறித்து படிக்கப்பட்டது.
அதனைத் தொடா்ந்து திருக்கைத்தல சேவைக்குப் பிறகு நம்பெருமாள் சந்தனு மண்டபத்திலிருந்து புறப்பட்டு 10.15 மணிக்கு மூலஸ்தானம் சென்று சோ்ந்தாா். ஏற்பாடுகளை கோயில் இணை ஆணையா் செ. மாரியப்பன் மற்றும் கோயில் பணியாளா்கள் செய்திருந்தனா்.
