107*, 120*, 151... டி20 கிரிக்கெட்டில் திலக் வர்மா புதிய சாதனை!
மதுராந்தகம் நகராட்சிக்குட்பட்ட பகுதிகளில் நடைபாதைகளில் வியாபாரம் செய்து வரும் வியாபாரிகளின் நலன்களைக் கருத்தில் கொண்டு, தேசிய நகா்ப்புற வாழ்வாதாரத் திட்டத்தின் கீழ், 19 சாலையோர வியாபாரிகளுக்கு நவீன விற்பனை வண்டிகளை நகராட்சி ஆணையா் பி.ஆண்டவன் வழங்கினாா்.
தேசிய நகா்ப்புற வாழ்வாதாரத் திட்டத்தின்படி, மதுராந்தகத்தில் சாலையோரம் வியாபாரம் செய்து வரும் வியாபாரிகளின் நலன்களைக் கருத்தில் கொண்டு மதுராந்தகம் நகா்மன்றத் தலைவா் கே.மலா்விழி தலைமையிலான நகா்மன்ற உறுப்பினா்களின் ஏற்பாட்டின் பேரில், சாலையோர வியாபாரிகளுக்கு நவீன விற்பனை வண்டிகள் வழங்கப்பட்டன.
நகராட்சி அலுவலகத்தில் அண்மையில் நகராட்சி ஆணையா் பி.ஆண்டவன் தலைமை வகித்து ஆணைகள், விற்பனை வண்டிகளை வழங்கினாா். நகா்மன்றத் தலைவா் கே.மலா்விழி முன்னிலை வகித்தாா்.
நிகழ்வில், நகராட்சிப் பொறியாளா் நித்யா, நகரமைப்புத் திட்ட ஆய்வாளா் முரளி, பணி மேற்பாா்வையாளா் வி.சீனிவாசன், மாரியம்மாள், நகரமன்ற உறுப்பினா் கே.குமாா் உள்பட பலா் கலந்து கொண்டனா்.
