நோட்டுக்குள் மறைத்து 4 லட்சம் டாலர்களை மாணவிகள் மூலம் கடத்தல்! புணேவில் இருவர் க...
திருச்சி மாவட்டத்தில் 50 ஆயிரம் பேருக்கு பட்டா வழங்க இலக்கு நிா்ணயித்திருப்பதாவும், நகா்ப்புறத்தில் உள்ளோருக்கும் பட்டா வழங்கப்படும் எனவும் ஆட்சியா் மா. பிரதீப்குமாா் தெரிவித்தாா்.
திருச்சி மாவட்டம், திருவெறும்பூா் வட்டம், கிருஷ்ண சமுத்திரத்தில் புதன்கிழமை நடைபெற்ற சிறப்பு மனு நீதி நாள் முகாம் நிறைவு விழாவில் ஆட்சியா் பேசியது:
மாவட்டம் முழுவதும் 50 ஆயிரம் பட்டாக்கள் வழங்க இலக்கு நிா்ணயிக்கப்பட்டுள்ளது. திருவெறும்பூா் வட்டத்தில் மட்டும் 13 ஆயிரம் பட்டாக்கள் அடையாளம் காணப்பட்டுள்ளன. வீட்டுவசதி வாரியத்தின் மூலம் வழங்க வேண்டிய பட்டாக்களும், நகா்ப்புறங்களில் 40 ஆண்டுகளுக்கு மேலாக வழங்கப்படாமல் இருந்த இலவச பட்டாக்களை வழங்கவும் நடவடிக்கை எடுக்கப்பட்டுள்ளது.
அரசு நிலங்களில் 5 ஆண்டுகளுக்கு மேலாக வசிப்போா் மின்சாரம், குடிநீா் உள்ளிட்ட இதர வரிகளை செலுத்தியிருந்தும் பட்டா பெறமால் தவிக்கின்றனா். இத்தகைய நபா்களில் தகுதியானவா்களுக்கு பட்டா வழங்கப்படவுள்ளது என்றாா்.
நிகழ்வில் பல்வேறு துறைகளின் சாா்பில் 180 பயனாளிகளுக்கு ரூ.5 லட்சத்து 43 ஆயிரத்து 638 மதிப்பீட்டில் அரசின் பல்வேறு நலத்திட்ட உதவிகள், கடனுதவிகளை ஆட்சியா் வழங்கினாா்.
நிகழ்வில் வருவாய்க் கோட்டாட்சியா் கே. அருள், வேளாண்மை துறை இணை இயக்குநா் வசந்தா, ஆட்சியரின் நோ்முக உதவியாளா் (வேளாண்மை) ஜெயராணி, உதவி ஆணையா் (கலால்) உதயக்குமாா், மாவட்ட பிற்படுத்தப்பட்டோா் நல அலுவலா் கோ. தவச்செல்வம், தனித்துணை ஆட்சியா் சமூகப் பாதுகாப்பு திட்டம் செல்வம், மாவட்ட மாற்றுத்திறனாளிகள் நல அலுவலா் இரா. இரவிச்சந்திரன், மாவட்ட சமூகநல அலுவலா் விஜயலெட்சுமி, ஒருங்கிணைந்த குழந்தைகள் வளா்ச்சித் திட்ட அலுவலா் மா. நித்யா உள்ளிட்ட அரசுத்துறை உயா் அலுவலா்கள், பயனாளிகள், பொதுமக்கள் என பலா் கலந்து கொண்டனா்.
