Allu Sirish: `வருவேன் உன் பின்னே' - அல்லு அர்ஜூன் தம்பி அல்லு சிரிஷுக்கு நிச்சயதார்த்தம்!

அல்லு அர்ஜூனின் சகோதரரான அல்லு சிரிஷுக்கு நேற்றைய தினம் நிச்சயதார்த்தம் நடைபெற்றிருக்கிறது.

அல்லு அர்ஜூனைத் தொடர்ந்து அவருடைய குடும்பத்திலிருந்து அல்லு சிரிஷும் கடந்த 2013-ம் ஆண்டு திரைத்துறைக்குள் வந்தார்.

`கௌரவம்' என்ற தமிழ் தெலுங்கு பைலிங்குவல் படத்தின் மூலம் சினிமாவிற்குள் வந்த அல்லு சிரிஷ் கடைசியாக பட்டி' படத்தில் நடித்திருந்தார்.

அல்லு சிரிஷுக்கும் அவருடைய நீண்ட நாள் காதலியான நயனிகாவுக்கும் நேற்றைய தினம் நிச்சயதார்த்தம் நடைபெற்றது.

நிச்சயதார்த்த புகைப்படங்களை தனது இன்ஸ்டாகிராம் பக்கத்திலும் அவர் பகிர்ந்திருக்கிறார்.

அதில் அவர், ``நான் என் வாழ்க்கையின் காதலியான நயனிகாவுடன் மகிழ்ச்சியாக நிச்சயதார்த்தம் செய்து கொண்டேன்!" எனக் குறிப்பிட்டிருக்கிறார்.

நேற்றைய தினம் நடைபெற்ற இவர்களின் நிச்சயதார்த்த நிகழ்வில் கோனிடெல்லா மற்றும் அல்லு குடும்பத்தினரும், அவர்களின் நண்பர்களும் கலந்துகொண்டிருக்கிறார்கள்.

அல்லு அர்ஜூன், ராம் சரண், வருண் தேஜ் ஆகிய டோலிவுட் பிரபலங்களும் இந்த நிகழ்வில் கலந்துகொண்டனர். அல்லு சிரிஷுக்கும் நயனிகாவுக்கும் திரைத்துறையினர் பலரும் வாழ்த்துகள் தெரிவித்து வருகின்றனர்.