Kerala: ``நான் தற்கொலை செய்தால் அரசுதான் பொறுப்பு'' - பாலியல் புகாரை வாபஸ் வாங்கிய நடிகை!
Admin
- 3 hours ago
சமீபத்தில் மலையாள திரையுலகை அதிர்ச்சிக்குள்ளாக்கிய சம்பவத்தில் ஒன்று ஹேமா கமிட்டி அறிக்கை. 'மலையாளத் திரைத் துறையில் பாலியல் வன்கொடுமை' தொடர்பான புகார்கள் அதில் குறிப்பிடப்பட்டிருந்தது. அதைத் தொடர்ந்து, மணியன்பிள்ளை ராஜு, இடைவேல பாபு தொடங்கி எம்.எல்.ஏ முகேஷ் வரை பலர் மீது பாலியல் புகார்கள் வந்தன. இந்த நிலையில், 51 வயதான நடிகை ஒருவர் தன் புகாரை வாபஸ் வாங்குவதாக தெரிவித்திருக்கிறார்.
இது தொடர்பாக அவர் வெளியிட்டிருக்கும் பதிவில், ``தன் மீது நிகழ்த்தப்பட்ட பாலியல் வன்முறைக்கு நீதிகேட்க ஒரு பெண் முன்வந்தால், அந்தப் பெண்ணுக்கு அரசிடமிருந்து எந்தப் பாதுகாப்பும் வழங்கப்படவில்லை. என்னால் தாங்க முடியாத பல துன்பங்களை நான் அனுபவித்திருக்கிறேன்.
நான் மனதளவில் சோர்வடைந்துவிட்டேன். பாதிக்கப்பட்ட பெண்ணுக்கு உதவவோ, அல்லது பாதுகாப்பு வழங்கவோ அரசு முன்வரவில்லை. அதனால்தான் இந்த வழக்கை தொடர முடியாமல் பாதியிலேயே வாபஸ் வாங்குகிறேன். யாருடனும் நான் சமரசம் செய்துகொள்ளவில்லை. நான் குற்றமற்றவள். எனக்கு நீதி கிடைக்க வேண்டும். நான் முன்வைத்த போக்சோ வழக்கு விரைவில் விசாரிக்க வேண்டும் என முறையிட்டேன். ஒருவேளை நான் தற்கொலை செய்துகொண்டால், அதற்கு அரசு தான் பொறுப்பு. நீதி வழங்கப்பட வேண்டும். என்னைப் போல் வேறு யாரும் பாதிக்கப்படாமல் இருக்க அதிகாரிகள் உடனடி நடவடிக்கை எடுக்க வேண்டும்" எனக் குறிப்பிட்டிருக்கிறார்.
நீங்கள் விரும்பி படித்த தொடர்கள், இப்போது ஆடியோ வடிவில்... புத்தம் புதிய விகடன் ப்ளே... உங்கள் அன்றாட பணிகளை கவனித்துக் கொண்டே ரசித்து கேட்க, உடனே இன்ஸ்டால் செய்யுங்கள்...
https://bit.ly/MaperumSabaithanil
