Salman: சல்மான் கானுக்கு தொடரும் கொலை மிரட்டல்; குண்டு துளைக்காத கார்களை வாங்கிய சல்மான் குடும்பம்

பாலிவுட் நடிகர் சல்மான் கானுக்கு தொடர்ந்து கொலை மிரட்டல்கள் வந்து கொண்டிருக்கின்றன. நேற்று (அக்டோபர் 29) முன் தினம் கூட கொலை மிரட்டல் வந்தது. இக்கொலை மிரட்டல் தொடர்பாக டெல்லி அருகில் உள்ள நொய்டாவைச் சேர்ந்த 20 வயது வாலிபர் கைது செய்யப்பட்டார். அவர் சல்மான் கான் மட்டுமல்லாது சட்டமன்ற உறுப்பினர். சீசன் சித்திக்கிற்கும் கொலை மிரட்டல் விடுத்திருந்தார்.

தற்போது மீண்டும் சல்மான் கானுக்கு கொலை மிரட்டல் வந்திருக்கிறது. இதற்கு முன்பு ரூ. 5 கோடி கொடுக்கும்படி கேட்டு சல்மான் கானுக்கு கொலை மிரட்டல் விடுத்த ஜாம்ஷெட்பூரை சேர்ந்த உசேன் ஷேக் என்பவரை மும்பை காவல்துறையினர் கைது செய்தனர். ராஜஸ்தானில் அபூர்வ வகை மான்களை வேட்டையாடிய பிரச்னையில் குஜராத் சிறையில் இருக்கும் லாரன்ஸ் பிஷ்னோய் தொடர்ந்து சல்மான் கானுக்கு கொலை மிரட்டல் விடுத்து வருகிறார். அதோடு சல்மான் கானை கொலை செய்யவும் முயற்சி நடந்தது. சல்மான் கான் வீட்டின் மீது கடந்த ஏப்ரல் மாதம் துப்பாக்கிச்சூடும் நடத்தப்பட்டது.

துப்பாக்கிச்சூடு நடத்தியவர்கள் ஏற்கனவே கைது செய்யப்பட்டுள்ளனர். சல்மான் கான் நண்பர் பாபா சித்திக் இம்மாத தொடக்கத்தில் லாரன்ஸ் பிஷ்னோய் கூட்டாளிகளால் கொலை செய்யப்பட்டார். இந்நிலையில் சல்மான் கானுக்கு மீண்டும் கொலை மிரட்டல் விடுக்கப்பட்டுள்ளது. ரூ.2 கோடி கேட்டு இக்கொலை மிரட்டல் விடுக்கப்பட்டுள்ளது.

இது குறித்து காவல்துறையினர் வழக்குப் பதிவு செய்து விசாரித்து வருகின்றனர். அதோடு சல்மான் கானுக்கு காவல்துறையினர் பாதுகாப்பை அதிகரித்துள்ளனர். சல்மான் கான் சமீபத்தில் துபாயிலிருந்து குண்டு துளைக்காத காரை இறக்குமதி செய்தார். சல்மான் கான் மட்டுமல்லாது அவரது தந்தையும் இப்போது குண்டு துளைக்காத கார் ஒன்றை வாங்கி இருக்கிறார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்... https://tinyurl.com/2b963ppb

வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...https://tinyurl.com/2b963ppb