Sri Lanka: ``தமிழர்களுக்குச் சொந்தமான நிலங்கள் திருப்பி ஒப்படைக்கப்படும்" - இலங்கை அதிபர் அநுர குமார

இலங்கையில் சமீபத்தில் நடைபெற்ற அதிபர் தேர்தலில், 55.89 சதவிகித வாக்குகள் வித்தியாசத்தில் வெற்றிபெற்று இலங்கையின் ஒன்பதாவது அதிபராக அநுர குமார திசாநாயக்க (AKD) தேர்வு செய்யப்பட்டுள்ளார்.

அனுர குமார வெற்றி இலங்கை மக்களுக்கு ஒரு புதிய நம்பிக்கையை கொடுத்திருக்கிறது. இதுவரையில் இலங்கை பார்க்காத அரசு ஒன்றைத் தருவார் என்று மக்கள் நினைக்கிறார்கள். அதற்கான காரணம், அவரது மக்கள் விடுதலை முன்னணியின் இடதுசாரி சார்புநிலை. மேலும், ஒன்றுபட்ட இலங்கைக்குள் சிங்களர், ஈழத்தமிழர், தமிழ் பேசும் முஸ்லீம்கள், மலையகத்தமிழர் என்ற வேறுபாடு இல்லாமல், அனைவரும் இலங்கையர் என்ற பார்வையில் சமநீதிக்காகத் தனது தலைமையிலான அரசு முன் நிற்கும் என்று அநுர குமார திசாநாயக்க கூறி வருகிறார்.

இந்நிலையில் சமீபத்தில் யாழ்ப்பாணம் கூட்டம் ஒன்றில் பேசிய அவர், ”இலங்கை அரசு கட்டுப்பாட்டில் இருக்கும் தமிழர்களுக்குச் சொந்தமான நிலங்கள், அவர்களிடமே திருப்பி ஒப்படைக்கப்படும்” என உறுதியளித்து பேசியிருக்கிறார்.

இதுகுறித்து பேசியிருக்கும் அவர், "போரினால் பாதிக்கப்பட்ட ஜாப்னா தீவின் வடக்கு மற்றும் கிழக்கு பகுதிகளில் வாழும் தமிழர்கள், தங்களிடம் இருந்து பலவந்தமாக கையகப்படுத்தப்பட்ட நிலங்களை மீட்பதற்காகப் இன்றும் போராடி வருகின்றனர். இலங்கை அரசின் கட்டுப்பாட்டில் உள்ள தமிழர்களுக்கு சொந்தமான நிலங்கள், அவர்களிடமே திருப்பி ஒப்படைக்கப்படும்.

அதிக தமிழர்கள் வாழும் வடக்குப் பகுதிக்குச் சொந்தமான நீர்வளங்களை தமிழக மீனவர்கள் அழிக்கின்றனர். எங்கள் அரசாங்கம், நீர்வளங்களை தவறாகப் பயன்படுத்தப்படாமல் இருப்பதை உறுதிசெய்யும். அத்துமீறி மீன் பிடிக்க வரும் இந்திய மீனவர்களை தடுத்து நிறுத்துவோம்" என்று பேசியிருக்கிறார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்... https://tinyurl.com/2b963ppb

வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...https://tinyurl.com/2b963ppb