Surya 44: புரோமோஷன் முதல் ரிலீஸ் வரை! - 'சூர்யா 44' அப்டேட் கொடுத்த கார்த்திக் சுப்புராஜ்

2024-ம் ஆண்டுக்கான இந்திய சர்வதேச திரைப்பட விழா (International Film Festival of India 2024) கோவாவில் நடந்து வருகிறது.

மத்திய அரசு சார்பில், நடத்தப்படும் இந்த இந்திய சர்வதேச திரைப்பட விழா, கோவாவில் 28ம் தேதி வரை நடைபெற இருக்கிறது. இதில் பல்வேறு சினிமா பிரபலங்கள் கலந்துகொண்டுள்ளனர். அந்தவகையில் கார்த்திக் சுப்புராஜும் இந்த விழாவில் கலந்துகொண்டிருக்கிறார். இந்த விழாவில் கலந்துகொண்ட கார்த்திக் சுப்புராஜ் 'சூர்யா 44' படத்தின் அப்டேட் கொடுத்திருக்கிறார்.

'சூர்யா 44' குறித்து கேள்வி எழுப்பியதற்கு பதிலளித்த கார்த்திக் சுப்புராஜ், " சூர்யா ஒரு மிகப்பெரிய நடிகர். அவருடன் பணியாற்றுவது மகிழ்ச்சியாக உள்ளது. 'சூர்யா 44' திரைப்படம் அடுத்தாண்டு சம்மரில் வெளியாகும். அதன் புரோமோஷன் நிகழ்ச்சிகள் டிசம்பர் மாதம் முதல் துவங்கும்" என்று அப்டேட் கொடுத்திருக்கிறார்.

சூர்யா நடிப்பில் கடைசியாக வெளியான 'கங்குவா' திரைப்படம் எதிர்பார்த்த வரவேற்பை பெறவில்லை. கிட்டத்தட்ட மூன்று வருடங்களுக்குப் பிறகு தியேட்டரில் வெளியான அந்த படம் கைகொடுக்காததால், ரசிகர்கள் தற்போது கார்த்திக் சுப்புராஜ் இயக்கும் படத்தின் பக்கம் தங்களின் எதிர்பார்ப்பை திருப்பி உள்ளனர்.

அதனால் கார்த்திக் சுப்புராஜ் இயக்கத்தில் சூர்யா நடிக்கும் 44-வது படத்தை ரசிகர்கள் ஆவலுடன் எதிர்பார்த்துக் காத்துக்கொண்டிருக்கின்றனர்.

நீங்கள் விரும்பி படித்த தொடர்கள், இப்போது ஆடியோ வடிவில்... புத்தம் புதிய விகடன் ப்ளே... உங்கள் அன்றாட பணிகளை கவனித்துக் கொண்டே ரசித்து கேட்க, உடனே இன்ஸ்டால் செய்யுங்கள்...

https://bit.ly/PesalamVaanga