Wayanad bypoll result: 5 லட்சம் வாக்குகளை கடந்த பிரியங்கா, வசமாகும் வயநாடு!

வயநாடு நாடாளுமன்ற தொகுதிக்கான இடைத்தேர்தல் வாக்கு எண்ணிக்கை இன்று காலை 8 மணிக்கு தொடங்கி விறுவிறுப்பாக நடைபெற்று வருகிறது. முதல் முறையாக தேர்தல் களத்தில் இறங்கிய பிரியங்கா காந்தி முதல் சுற்றிலேய முன்னிலை பெறத் தொடங்கினார். அடுத்தடுத்த சுற்றுகளிலும் தொடர்ந்து முன்னேறி 5 லட்சம் வாக்குகளைக் கடந்து முன்னிலையில் இருக்கிறார்.

காங்கிரஸின் கை ஓங்குவதைக் காண அக்கட்சியின் தொண்டர்களும் நிர்வாகிகளும் வாக்கு எண்ணிக்கை நடைபெறும் கல்பெட்டா பகுதியில் திரண்டு மகிழ்ச்சியை வெளிப்படுத்தி வருகின்றனர். 2019 மற்றும் 2024 நாடாளுமன்ற தேர்தல்களில் வயநாடு தொகுதியில் ராகுல் காந்தி பெற்ற வாக்குகளை விட பிரியங்கா காந்தி அதிகம் பெற்று சாதனை படைப்பாரா என்று எதிர்பார்ப்பு கட்சியினரிடையே மேலோங்கி இருக்கிறது. இரண்டாவது இடத்தில் ஆளும் இடது முன்னணி வேட்பாளர் சத்யன் மொகேரியும் மூன்றாவது இடத்தில் பா.ஜ‌க வேட்பாளர் நவ்யா ஹரிதாஸும் உள்ளனர். இன்னும் சில சுற்று எண்ணிக்கையில் இறுதி முடிவு அறிவிக்கப்பட உள்ளது. இனிப்புகளை வழங்கியும் பட்டாசுகளை வெடித்தும் கொண்டாடி வருகின்றனர்.