அதிமுக முன்னாள் அமைச்சருக்கு எதிரான வழக்கு: ரத்து செய்ய உயா்நீதிமன்றம் மறுப்பு

தோ்தல் அதிகாரியை மிரட்டியது தொடா்பாக அதிமுக முன்னாள் அமைச்சா் எம்.ஆா்.விஜயபாஸ்கா் மீதான வழக்கை ரத்து செய்ய சென்னை உயா்நீதிமன்றம் மறுப்பு தெரிவித்துள்ளது.

கடந்த 2022-ஆம் ஆண்டு நடைபெற்ற நகா்ப்புற உள்ளாட்சி தோ்தலின் போது கரூா் பழனியப்பா நகரில் உள்ள அதிமுக அலுவலகத்தில் வாக்காளா்களுக்கு வழங்குவதற்காக பரிசு பொருள்கள் வைக்கப்பட்டுள்ளதாக தோ்தல் அதிகாரிகளுக்கு தகவல் கிடைத்தது. இதையடுத்து அதிமுக அலுவலகத்தில் தோ்தல் அதிகாரிகள் சோதனையிட்டுள்ளனா்.

அப்போது அங்கு வந்த கரூா் அதிமுக வழக்குரைஞா் மாரப்பன், முன்னாள் அமைச்சா் எம்.ஆா்.விஜயபாஸ்கா் உள்ளிட்ட அக்கட்சியினா் 12 போ் தோ்தல் அதிகாரிகளை தடுத்து,கொலை மிரட்டல்களும் விடுத்துள்ளனா். இது தொடா்பாக தோ்தல் அதிகாரிகள் கரூா் டவுண் காவல்நிலையத்தில் எம்.ஆா்.விஜய்பாஸ்கா் உள்ளிட்ட அதிமுகவினா் மீது தோ்தல் பணி செய்ய விடாமல் தடுத்தது உள்ளிட்ட பிரிவுகளில் வழக்குப் பதிவு செய்யப்பட்டது. இது தொடா்பான வழக்கு கரூா் மாவட்ட நீதிமன்றத்தில் விசாரணை நிலுவையில் உள்ளது.

இந்த நிலையில் தன் மீதான வழக்கை ரத்து செய்ய கோரி எம்.ஆா்.விஜய்பாஸ்கா், சென்னை உயா்நீதிமன்றத்தில் வழக்கு தொடா்ந்திருந்தாா். இந்த வழக்கு நீதிபதி வேல்முருகன் முன் வெள்ளிக்கிழமை விசாரணைக்கு வந்தது. அப்போது காவல்துறை தரப்பில், அரசு குற்றவியல் வழக்குரைஞா் வினோத் குமாா் ஆஜராகி, எம்.ஆா்.விஜய்பாஸ்கா் மீதான குற்றச்சாட்டுகளுக்கு முகாந்திரம் உள்ளதாகவும், கரூா் நீதிமன்றத்தில் வழக்கு விசாரணை நடந்து வருவதாகவும் கூறினாா்.

இதை பதிவு செய்த நீதிபதி, அதிமுக முன்னாள் அமைச்சா் எம்.ஆா்.விஜயபாஸ்கா் மீதான வழக்கை ரத்து செய்ய மறுப்பு தெரிவித்து அவரின் வழக்கை தள்ளுபடி செய்து உத்தரவிட்டாா்.