அரசு கலைக் கல்லூரி மாணவா்கள் 22 போ் தனியாா் நிறுவன பணிக்குத் தோ்வு

காரைக்கால் அரசு கல்லூரியில் நடைபெற்ற வேலைவாய்ப்பு பயிற்சி முகாமில் 22 போ் தனியாா் நிறுவனத்தில் பணிபுரிய தோ்வு செய்யப்பட்டனா்.

காரைக்கால் அறிஞா் அண்ணா அரசு கலை மற்றும் அறிவியல் கல்லூரி மற்றும் கலைஞா் மு. கருணாநிதி அரசு பட்ட மேற்படிப்பு மற்றும் ஆராய்ச்சி நிறுவன பயிற்சி மற்றும் வேலை வாய்ப்பு பிரிவின் சாா்பாக இறுதியாண்டு பயிலும் மாணவா்களுக்கான வேலைவாய்ப்பு சிறப்பு முகாம் 2 வாரங்களாக நடைபெற்றது.

இதில் இன்ஃபோசிஸ் நிறுவனம் சாா்பில் டிஎம்ஐ இ2இ வேலைவாய்ப்பு அகாதெமி இந்த பயிற்சியை அளித்தது.

இதில் கல்லூரிகளின் இறுதியாண்டு பயிலும் மாணவ, மாணவிகள் கலந்து கொண்டனா். இதன் நிறைவு நிகழ்ச்சி வெள்ளிக்கிழமை நடைபெற்றது. அண்ணா கல்லூரி முதல்வா் (பொ) ஆனந்த கௌரி தலைமை வகித்துப் பேசினாா்.

தாவரவியல் துறைத் தலைவா் என்ஏஏசி ஒருங்கிணைப்பாளா் கதிா்வேலு சம்பந்தன் மாணவா்களுக்கு கல்லூரியின் வேலைவாய்ப்பு மற்றும் பயிற்சி பிரிவின் செயல்பாடுகளை விளக்கிப் பேசினாா்.

பெங்களூா் சட்வா மற்றும் டிஎம்ஐ இ2இ வேலைவாய்ப்பு அகாதெமி நிறுவன வேலைவாய்ப்பு ஒருங்கிணைப்பாளா் சௌஜன்யா அஸ்வத்தப்பா, துணை மேலாளா் ராஜேஷ் ராஜ், பயிற்றுநா் ராமநாதன் ஆகியோா் கலந்து கொண்டு மாணவா்களுக்கு பயிற்சியின் முக்கியத்துவம் மற்றும் மாணவா்களின் எதிா்கால வேலை வாய்ப்பு குறித்துப் பேசினா்.

முன்னதாக, பயிற்சி மற்றும் வேலைவாய்ப்பு பிரிவு ஒருங்கிணைப்பாளா் மதன்மோகன் காந்தி வரவேற்க, பயிற்சி மற்றும் வேலைவாய்ப்பு பிரிவுத் தலைவா் ஜாகிா் அகமது நன்றி கூறினாா்.

பயிற்சி பெற்ற மாணவா்களுக்கு நோ்முகத் தோ்வு நடைபெற்றது. அதில் 22 மாணவா்களுக்கு நிறுவன வேலைக்கு தோ்ந்தெடுக்கப்பட்டனா். இவா்களுக்கு கல்லூரி படிப்பு முடிந்தவுடன் பணியாணை வழங்கப்படும். என கல்லூரி நிா்வாகம் தெரிவித்தது.