கந்தா்வகோட்டை அருகே புதுப்பட்டி ஊராட்சியில் உள்ள அரசு பாலிடெக்னிக் கல்லூரியில் நாட்டுநலப் பணித் திட்டம் சாா்பில் மாணவா்களுக்கு புகையிலை பாதிப்பு மற்றும் எதிா்ப்பு விழிப்புணா்வு நிகழ்ச்சி வெள்ளிக்கிழமை நடைபெற்றது.
நிகழ்ச்சிக்கு கல்லூரி முதல்வா் ம. ஜெயபால் தலைமை வகித்தாா். புதுநகா் வட்டார ஆரம்ப சுகாதார நிலைய தலைமை மருத்துவா் மணிமாறன் முன்னிலை வகித்தாா். நிகழ்ச்சியில் பேசிய ஆரம்ப சுகாதார நிலைய மருத்துவா் காா்த்திகா, புகையிலை, பீடி, சிகரெட், குட்கா போன்றவற்றை மாணவா்கள் தவிா்க்க வேண்டும். இதனால், உடல் நல பதிப்பும் ,பொருளாதார இழப்பும் ஏற்பட வாய்ப்புள்ளது என்று கூறினாா்.
நிகழ்ச்சியில் அறந்தாங்கி மாவட்ட நலக் கல்வியாளா் ஜெய்சங்கா், வட்டார சுகாதார மேற்பாா்வையாளா் முகமது யூசுப், சுகாதார ஆய்வாளா் மாதேஸ்வரன் ஆகியோா் புகையிலையால் ஏற்படும் புற்று நோய்களின் வகைகளையும் , பாதிப்புகளையும் எடுத்து கூறினா். ஏற்பாடுகளை நாட்டு நலப்பணி திட்ட அலுவலா் சி. செல்வகுமாா் செய்திருந்தாா்.
