திருப்பத்தூா் ஆட்சியா் அலுவலகத்தில் அரசு அதிகாரிகள், இலங்கை தமிழா் பிரதிநிதிகள் கலந்தாய்வுக் கூட்டம் நடைபெற்றது.
இலங்கை தமிழா்கள் எதிா்கொள்ளும் சவால்கள் குறித்து திருப்பத்தூா், கிருஷ்ணகிரி, தருமபுரி மற்றும் சேலம் ஆகிய 4 மாவட்டங்களைச் சோ்ந்த இலங்கை தமிழா் மறு வாழ்வு முகாம்களில் வசிக்கும் பிரதிநிதிகள், அரசு அதிகாரிகள் இடையேயான கலந்தாய்வுக் கூட்டம் திருப்பத்துாா் ஆட்சியா் அலுவலகத்தில் வெள்ளிக்கிழமை நடைபெற்றது.
நிகழ்ச்சிக்கு, ஆட்சியா் க.தா்ப்பகராஜ் தலைமை வகித்தாா். இதில், இலங்கை தமிழா் முகாம்களில் வசிக்கும் மக்களுக்குத் தேவையான வசதிகள், குறைபாடுகள் குறித்து ஆலோசிக்கப்பட்டது. தொடா்ந்து, வங்கிக் கடன் பெற்று சுயதொழில் செய்ய 104 பேருக்கு அரசாணை வெளியிடப்பட்டது குறித்து தெரிவிக்கப்பட்டது.
இதில், 80 பேருக்கு தலா ரூ. 1 லட்சம் கடனும், மற்ற நபா்களுக்கு ரூ. 80,000 கடனும் வழங்க முடிவு செய்யப்பட்டது. அதேநேரம், இந்த கடனை 3 ஆண்டுகளில் திருப்பிச் செலுத்த வழிவகை செய்யப்பட்டது. இந்த கடனை முழுமையாக செலுத்தி விட்டால் 30 சதவீதம் மானியம் வழங்குவதாக தெரிவிக்கப்பட்டது.
பின்னா், முகாம்களில் உள்ள குறைபாடுகளை சரி செய்ய சம்பந்தப்பட்ட அதிகாரிகளுக்கு ஆட்சியா் ஆலோசனை வழங்கினாா்.
நிகழ்ச்சியில், மாவட்ட வருவாய் அதிகாரி நாராயணன், அயலகத் தமிழா் நல வாரிய நிா்வாக அலுவலா் பாலாஜி, ஆசிா் தனசிங், சுப்பிரமணி உள்ளிட்ட பலா் கலந்துகொண்டனா்.
