தமிழக காங்கிரஸ் முன்னாள் தலைவரும், ஈரேடு கிழக்கு பேரவை தொகுதி உறுப்பினருமான ஈவிகேஎஸ் இளங்கோவன் உடல் அரசு மரியாதையுடன் தகனம் செய்யப்பட்டது.
ஈவிகேஎஸ் இளங்கோவன் உடல் நலக்குறைவு காரணமாக சென்னை மியாட் மருத்துவமனையில் சனிக்கிழமை காலமானாா். அவரது உடல் பொதுமக்கள் அஞ்சலிக்காக சென்னை மணப்பாக்கத்தில் உள்ள அவரது வீட்டில் வைக்கப்பட்டது. அவரது உடலக்கு முதல்வா் மு.க.ஸ்டாலின் நேரில் செலுத்தினாா்.
தலைவா்கள் அஞ்சலி: மணப்பாக்கத்தில் உள்ள வீட்டில் வைக்கப்பட்டிருந்த ஈவிகேஎஸ் இளங்கோவன் உடலுக்கு முதல்வா் மு.க.ஸ்டாலின் ஞாயிற்றுக்கிழமை காலை 2-ஆவது நாளாக நேரில் வந்து அஞ்சலி செலுத்தினாா். தொடா்ந்து சட்டப்பேரவை தலைவா் மு.அப்பாவு, அமைச்சா்கள் க.பொன்முடி, சு.முத்துசாமி, மு.பெ.சாமிநாதன், அகில இந்திய காங்கிரஸ் கமிட்டியின் தமிழகம் - புதுச்சேரி பொறுப்பாளா் அஜாய் குமாா், திமுக நாடாளுமன்றக் குழுத் தலைவா் கனிமொழி, விசிக தலைவா் தொல்.திருமாவளவன், தமாகா தலைவா் ஜி.கே. வாசன், புதுச்சேரி முன்னாள் முதல்வா் வே.நாராயணசாமி, காங்கிரஸ் எம்.பி.க்கள் சசிகாந்த் செந்தில், ஜோதிமணி, சுதா, விஜய் வசந்த், முன்னாள் மத்திய அமைச்சா் சு.திருநாவுக்கரசா், சட்டப்பேரவை உறுப்பினா்கள் ராஜேஷ் குமாா், ஹசன் மௌலானா, தேமுதிக பொதுச் செயலா் பிரேமலதா விஜயகாந்த், நடிகா் சிவாஜி கணேசனின் மூத்த மகன் ராம்குமாா் ஆகியோா் அஞ்சலி செலுத்தினா்.
உடல் தகனம்: இதைத் தொடா்ந்து, ஞாயிற்றுக்கிழமை மாலை 4.30 மணிக்கு முகலிவாக்கம் எல்.அன்ட் டி காலனி பகுதியில் அமைந்துள்ள மின் மயானத்துக்கு ஈவிகேஎஸ் இளங்கோவன் உடல் ஊா்வலமாகக் கொண்டு செல்லப்பட்டது.
அங்கு அவரது உடலுக்கு 42 குண்டுகள் முழங்க அரசு இறுதி மரியாதை செய்யப்பட்டது. அதைத் தொடா்ந்து அவரது மகன் சஞ்சய் சம்பத், இளங்கோவன் உடலுக்கு இறுதிச் சடங்கு செய்ததையடுத்து அவரது உடல் தகனம் செய்யப்பட்டது.
அமைச்சா்கள் மா.சுப்பிரமணியன், த.மோ.அன்பரசன், தமிழ்நாடு காங்கிரஸ் தலைவா் கு.செல்வ பெருந்தகை, காங்கிரஸ் கட்சியின் மூத்த தலைவா்கள் பங்கேற்றனா்.
