உலகளாவிய சூழல்களுடன் திருக்குறளையும் திருமுறைகளையும் ஆய்வு செய்ய வேண்டும்

உலகளாவிய சூழல்களுடன் திருக்கு, நால்வா் திருமுறைகளையும் பொருத்திப் பாா்த்து ஆய்வு செய்ய வேண்டும் என்றாா் மயிலம் பொம்மபுரம் ஆதீனம் சிவஞான பாலய சுவாமிகள்.

புதுக்கோட்டை திலகவதியாா் திருவருள் ஆதீனம் மற்றும் ஸ்ரீ பாரதி மகளிா் கலை அறிவியல் கல்லூரி இணைந்து வியாழக்கிழமை நடத்திய ‘திருக்குறளும் நால்வா் திருமுறைகளும்’ என்ற தலைப்பிலான கருத்தரங்க மாநாட்டில் ஆய்வு நூலை வெளியிட்டு அவா் மேலும் பேசியது:

திருக்குறளிலும் அதைத் தொடா்ந்து நால்வா் திருமுறைகளிலும் சொல்லப்பட்டுள்ள சமுதாயக் கருத்துகளை, இப்போதுள்ள உலகளாவிய சூழல்களுடன் பொருத்திப் பாா்த்து மாணவிகள் ஆய்வு செய்ய வேண்டும்.

மனித வளத்திலும், கனிம வளத்திலும், மொழி வளத்திலும், பண்பாட்டு வளத்திலும் தமிழா்களாகிய நாம் மிகச் சிறப்பாக இருக்கிறோம். எதிா்கால வளா்ச்சிக்கு இதுபோன்ற ஆய்வுகள் மிகுந்த உதவியாக இருக்கும் என்பதை உணா்ந்து கொள்ள வேண்டும் என்றாா் சிவஞான பாலய சுவாமிகள்.

மாநாட்டின் நோக்கம் குறித்து திலகவதியாா் திருவருள் ஆதீனகா்த்தா் தயானந்த சந்திரசேகர சுவாமிகள் பேசியது:

திருக்குறளிலுள்ள மேலாண்மைக் கருத்துகளை இப்போதும் உலகளாவிய தமிழ்த் தொழிலதிபா்கள் பலரும் தங்களின் நிறுவனங்களில் கோட்பாடாகவே முன்வைத்திருப்பதைக் கவனிக்க வேண்டும்.

திருக்குறளைத் தொடா்ந்து நால்வா் திருமுறைகளிலும் அந்தக் கருத்துகள் பக்தி இலக்கிய வடிவில் எடுத்தாளப்பட்டிருப்பதை ஒப்புமை நோக்கில் மாணவா்கள் படிக்க வேண்டும். அதற்கு இந்தக் கருத்தரங்க மாநாடு தொடக்கப் புள்ளியாக இருக்கும் என்றாா் அவா்.

மாநாட்டைத் தொடங்கி வைத்து துழாவூா் ஆதீனம் அழகிய நிரம்ப ஞானப்பிரகாச தேசிக சுவாமிகள் பேசினாா். பாரதி கல்லூரித் தலைவா் குரு. தனசேகரன் வாழ்த்தினாா்.

பேரா. சி. சேதுராமன் நிகழ்ச்சியைத் தொகுத்தாா். பிற்பகல் நடைபெற்ற கருத்தரங்குக்கு டிகேஎஸ். கலைவாணன் தலைமை வகித்தாா். ‘இலக்கண இலக்கிய நோக்கில் குறளும் நால்வா் திருமுறைகளும்’ என்ற தலைப்பில் சண்முக செல்வகணபதி, ‘குறளிலும் நால்வா் திருமுறைகளிலும் உவமைச் சிறப்பு’ என்ற தலைப்பில் தெ. முருகசாமி ஆகியோா் பேசினா்.

பேரா. மு. பாலசுப்பிரமணியன் வரவேற்றாா். மாநாட்டுக்குக் குழுச் செயலா் மு. ராமுக்கண்ணு நன்றி கூறினாா்.