எதிர்க்கட்சி எம்பிக்களை சந்தித்து வாழ்த்து பெற்ற பிரியங்கா!

வயநாடு எம்பியாக பதவியேற்ற பிரியங்கா காந்தி மக்களவைக்கு வந்து எதிர்க்கட்சிகளுடன் உரையாடினார்.

கேரளத்தின் வயநாடு மக்களவைத் தொகுதி உறுப்பினராக காங்கிரஸ் பொதுச்செயலர் பிரியங்கா காந்தி வியாழக்கிழமையான நேற்று பதவியேற்றுக்கொண்டார். நாடாளுமன்ற குளிர்கால கூட்டத்தொடரின் 4-வது நாள் அமர்வு நேற்று கூடியதும், அரசமைப்புச் சட்ட புத்தகத்தின் பிரதியைக் கையில் ஏந்தியவாறு பிரியங்கா ஹிந்தியில் பதவியேற்றுக் கொண்டார்.

இந்த நிலையில், சம்பல் வன்முறை மற்றும் பிறச்னைகளுக்கு எதிராக காங்கிரஸ் மட்றறும் சமாஜ்வாதி கட்சியினர் உள்பட பல எதிர்க்கட்சி உறுப்பினர்கள் போராட்டம் நடத்திவந்த நிலையில், இரண்டாவது நாளாக மக்களவைக்கு வந்து தனது இருக்கையில் அமர்ந்தார் பிரியங்கா. பின்னர் போராட்டத்தின் மத்தியில், எதிர்க்கட்சி எம்.பி.க்களையும் சந்தித்து வாழ்த்து பெற்றார்.

அவர் மற்ற உறுப்பினர்களைச் சந்தித்தார். பின்னர் ​​திமுக எம்பி கனிமொழியை சந்தித்து அவருடன் சிறிது நேரம் உரையாடினார். மேலும் அவையில் எதிர்க்கட்சித் தலைவர் ராகுல் காந்தி, திரிணாமுல் காங்கிரஸ் மற்றும் பிற கட்சி உறுப்பினர்களுடன் உரையாடினார்.