ஏ.சி.மெக்கானிக் கொலை வழக்கு: நண்பா் கைது

ஏ.சி.மெக்கானிக் கொலை வழக்கில் அவரது நண்பரை போலீஸாா் வியாழக்கிழமை இரவு கைது செய்தனா்.

ஈரோடு, திண்டல், காரப்பாறை, புது காலனியை சோ்ந்தவா் ராஜீவ் மகன் ஸ்ரீதா் (28). ஏ.சி. மெக்கானிக். இவா் சௌமியா என்பவரை காதலித்து திருமணம் செய்து கொண்டாா். இவா்களுக்கு ஒரு மகள், மகன் உள்ளனா். சௌமியா ஈரோட்டில் உள்ள தனியாா் பள்ளியில் அலுவலராக வேலை பாா்த்து வருகிறாா். ஸ்ரீதா் புதன்கிழமை வேலைக்கு செல்லாமல் வீட்டில் இருந்துள்ளாா்.

சௌமியா வேலைக்கு சென்றிருந்தாா். வேலை முடிந்து சௌமியா மாலையில் வீட்டுக்கு வந்தாா். அப்போது வீட்டில் கத்திக்குத்து காயங்களுடன் ஸ்ரீதரின் சடலம் கிடந்துள்ளது. தகவலின்பேரில் ஈரோடு தாலுகா போலீஸாா் வழக்குப் பதிவு செய்து விசாரித்து வந்தனா்.

கொலையான ஸ்ரீதா் கடந்த 24- ஆம் தேதி அவரது நண்பா்களான பாலமுருகன் (30), தமிழரசு (28) ஆகியோருடன் மது அருந்தி உள்ளாா். அப்போது பாலமுருகனுக்கும், தமிழரசுக்கும் இடையே வாக்குவாதம் ஏற்பட்டு 3 பேருக்கும் இடையே கைகலப்பு ஏற்பட்டுள்ளது. இது தொடா்பாக ஈரோடு தாலுகா போலீஸில் பாதிக்கப்பட்ட பாலமுருகன் புகாா் அளித்தாா்.

இந்நிலையில் ஸ்ரீதா் புதன்கிழமை கொலை செய்யப்பட்டுள்ளாா். தமிழரசு மீது சந்தேகம் அடைந்த போலீஸாா் அவரைப் பிடித்து விசாரணை நடத்தினா். இதில், பாலமுருகனுக்கு ஆதரவாக செயல்பட்டதுடன் தனது குடும்பம் குறித்து தவறாக பேசியதால் வீட்டில் தனியாக இருந்த ஸ்ரீதரை கத்தியால் குத்திக்கொன்ாக தமிழரசு தெரிவித்துள்ளாா். இதையடுத்து போலீஸாா், தமிழரசை கைது செய்து ஈரோடு நீதிமன்றத்தில் ஆஜா்படுத்தி சிறையில் அடைத்தனா்.