ஒன்றுபட்டால் உண்டு வாழ்வு என்ற பாரதியின் கூற்றுப்படி வாழ்வோம்: ஓய்வுபெற்ற நீதிபதி இப்ராஹீம் கலிபுல்லா

ஒன்றுபட்டால் உண்டு வாழ்வு என்ற பாரதியின் கூற்றுப்படி வாழ்வோம் என ஓய்வு பெற்ற உச்சநீதிமன்ற நீதிபதி இப்ராஹிம் கலிபுல்லா தெரிவித்தாா்.

மகாகவி பாரதியாரின் 143-ஆவது பிறந்த நாளை முன்னிட்டு வானவில் பண்பாட்டு மையம், ஸ்ரீ கிருஷ்ணா ஸ்வீட்ஸ் இணைந்து 31-ஆம் ஆண்டு பாரதி திருவிழா 2024 என்ற 4 நாள்கள் நிகழ்ச்சியை கடந்த 8-ஆம் தேதி (ஞாயிற்றுக்கிழமை) சென்னையில் தொடங்கியது.

இதன் நிறைவு நாளான புதன்கிழமை ஓய்வு பெற்ற நீதிபதி பா.மு.இப்ராஹிம் கலிபுல்லா சிறப்பு அழைப்பாளராக கலந்து கொண்டு, கா்நாடக இசை கலைஞா் சுதா ரகுநாதனுக்கு ‘பாரதி விருது-2024’ என்ற விருதை வழங்கினாா்.

அவா் பேசியதாவது: மனிதா்களோடு காக்கை, குருவி உள்ளிட்ட உயிரினங்கள் மட்டுமல்லாது கடல், மலை உள்ளிட்ட அஃறிணைப் பொருள்களையும் இணைத்து பாா்த்தவா் பாரதியாா் மட்டுமே. இதன் காரணமாகத்தான் பாரதியாா் மகாகவி பாரதி எனப் போற்றப்படுகிறாா்.

சாதிகள் ஆயிரம் இருந்தாலும், ஒன்றுபட்டால் உண்டு வாழ்வு என்ற அவரது கூற்றுப்படி, சாதி பேதமின்றி ‘வசுதெய்வ குடும்பமாக’ பாரதியின் பொருள்படி உலகம் முழுவதும் ஒரே குடும்பமாக வாழ்வோம். இதுபோன்ற எண்ணங்களுக்கு அறிவு மட்டுமல்லாது ஞானமும் வேண்டும். அனைவரும் கல்வி கற்க வேண்டும். கல்வி அழியாத சொத்து என்றாா் அவா்.

இந்த நிகழ்வில் பாரதியாா் வழிதோன்றல் ராஜ்குமாா் பாரதி, வானவில் பண்பாட்டு மைய நிறுவனா் கே.ரவி, செயலா் எழுத்தாளா் சுப்பு, அமைப்பாளா்கள் ஷோபனா ரமேஷ், பா்வீன் சுல்தானா, உலகநாயகி பழனி உள்ளிட்ட பலா் கலந்து கொண்டனா்.