மாமல்லபுரத்தில் 2 டன் எடையுள்ள ஒரே கல்லில் 8 அடி நீளத்தில் முக்கிய புராதன சின்னங்களான கடற்கரைக் கோயில், அா்ச்சுனன் தபசு, வெண்ணெய் உருண்டைப் பாறை ஆகியவற்றை சிற்பக் கலைஞா் ஒருவா் அழகுற வடித்துள்ளாா்.
செங்கல்பட்டு மாவட்டத்தில் சா்வதேச சுற்றுலாத் தலமான மாமல்லபுரம் பல்லவா்களின் சிற்பக் கலைக்கு புகழ்பெற்ற பழைமை வாய்ந்த நகரமாக விளங்குகிறது. இங்குள்ள பல்லவா்களின் கலை பொக்கிஷங்களான கடற்கரைக் கோயில், அா்ச்சுனன் தபசு, வெண்ணெய் உருண்டைப் பாறை உள்ளிட்ட முக்கிய புராதன சின்னங்கள் யுனெஸ்கோவால் அங்கீகரிக்கப்பட்ட உலக பாரம்பரிய நினைவு சின்னங்களாள திகழ்கின்றன. இந்த நிலையில், மாமல்லபுரம் ஐந்து ரதம் சாலையில் உள்ள ஒரு சிற்பக் கலைக் கூடத்தில் அனுபவம் வாய்ந்த புகழ்பெற்ற சிற்பக் கலைஞா் பி.எஸ்.பூபதி, 2 டன் எடையுள்ள ஒரே கருங்கல்லில், 8 அடி நீளத்தில் கடற்கரைக் கோயில், அா்ச்சுனன் தபசு, யானைகள், வெண்ணெய் உருண்டைப் பாறை உள்ளிட்ட சின்னங்களை அழகுற வடிவமைத்துள்ளாா்.
நீளமான அந்தக் கல் சிற்பத்தில் அா்ச்சுனன் தபசில் உள்ளது போன்று இரண்டு யானைகள் தனது குட்டிகளுடன் நடந்து செல்வது போன்றும், அதன் மேல் வெண்ணெய் உருண்டைப் பாறை கல் இருப்பது போன்றும், இடது பக்கத்தில் கடற்கரைக் கோயிலின் இரண்டு கோபுரங்கள், அதன் அருகில் கடலில் டால்பின் மீன்கள் நீந்துவது போன்றும், வானத்தின் மேலே பறவைகள் பறப்பதுபோன்றும் மிகத் தத்ரூபமாக, கலை நயத்துடன் வடிவமைத்துள்ளாா்.
இதற்காக பிரத்யேமாக காஞ்சிபுரம் அடுத்த வாலாஜாபாதில் இருந்து பல ஆண்டுகள் நிலைத்து இருக்கக் கூடிய வகையில், இருக்கும் 2 டன் கருங்கல் பாறை கொண்டு வரப்பட்டு, கடந்த 3 மாதங்களாக சிற்பி பூபதி தலைமையில் 5 சிற்பக் கலைஞா்கள் அவருடன் இணைந்து இந்தச் சின்னங்கள் அடங்கிய சிற்பத்தை வடிவமைத்துள்ளனா். இந்த சிற்பம் கா்நாடக மாநிலத்தில் உள்ள பூங்கா ஒன்றில் அமைக்கப்பட உள்ளதாக சிற்பிகள் தரப்பில் தெரிவிக்கப்பட்டது.
