கடம்பூா் அருகே முதியவா் உள்பட 4 பேரை அரிவாளால் வெட்டி, கொலை மிரட்டல் விடுத்ததாக இளைஞரை போலீஸாா் வியாழக்கிழமை கைது செய்தனா்.
கடம்பூா் அருகேயுள்ள குப்பனாபுரம் தெற்கு தெருவைச் சோ்ந்த சண்முகையா மகன் அா்ஜுன பாண்டியன் (60). இவரது மகன் காா்த்திக், அதே பகுதியைச் சோ்ந்த கருப்பசாமி மகள் செல்வ காளீஸ்வரி ஆகியோருக்கு 3 ஆண்டுகளுக்கு முன்பு திருமணம் நடைபெற்ாம். இத்தம்பதிக்கு கடந்த 2 வாரங்களுக்கு முன்பு ஆண் குழந்தை பிறந்ததாம்.
இந்நிலையில், தம்பதியிடையே அடிக்கடி தகராறு ஏற்பட்டு, தீபாவளியிலிருந்து காளீஸ்வரி அவரது பெற்றோா் வீட்டில் இருந்து வந்தாராம். இந்நிலையில், தனது பெற்றோா் மற்றும் சகோதரருடன் காளீஸ்வரி வீட்டிற்கு செவ்வாய்க்கிழமை சென்ற காா்த்திக், மனைவியை தன்னுடன் வீட்டுக்கு வருமாறு அழைத்தாராம். அப்போது அவருக்கும், மனைவியின் சகோதரா்கள் மாரிராஜ், ஜெயகணேஷ் ஆகியோருக்கும் இடையே ஏற்பட்ட தகராறில், காா்த்தி, அவரது சகோதரா் கிருஷ்ணமூா்த்தி, பெற்றோா் அா்ஜுன பாண்டியன்- முத்துலட்சுமி ஆகியோருக்கு அரிவாள் வெட்டு விழுந்தது.
இதில், காா்த்தி திருநெல்வேலி அரசு மருத்துவமனையிலும், மற்றவா்கள் கோவில்பட்டி அரசு மருத்துவமனையிலும் சிகிச்சைக்கு அனுமதிக்கப்பட்டனா். இதுகுறித்து முத்துலட்சுமி அளித்த புகாரின் பேரில் கடம்பூா் போலீஸாா் வழக்குப் பதிந்து, காளீஸ்வரியின் அண்ணன் மாரிராஜை (25) வியாழக்கிழமை கைது செய்தனா். மற்ற இருவரையும் தேடி வருகின்றனா்.
