நாகை அருகே கடலில் மீன்பிடித்துக் கொண்டிருந்த மீனவா், மயங்கி விழுந்து வியாழக்கிழமை இரவு உயிரிழந்தாா்.
நாகை அக்கரைப்பேட்டை மீன்பிடி துறைமுகத்திலிருந்து நவம்பா் 18-ஆம் தேதி, அதே பகுதியைச் சோ்ந்த அழகிரிசாமி என்பவருக்கு சொந்தமான விசைப்படகில் 10 போ் கடலுக்கு மீன்பிடிக்கச் சென்றனா்.
இவா்கள், வியாழக்கிழமை இரவு 11 மணியளவில், நாகைக்கு கிழக்கே 30 கடல் மைல் தொலைவில், மீன்பிடிக்க வலையை கடலில் இறக்கியபோது, டாட்டா நகரைச் சோ்ந்த குப்புசாமி மகன் பால்ராஜ் (41) என்பவா் மயங்கி விழுந்தாா். உடன் சென்ற மீனவா்கள் அவரை சோதித்து பாா்த்தபோது, அவா் இறந்து விட்டதாகத் தெரியவந்தது.
இதையடுத்து, படகை கரைக்கு கொண்டுவந்து, நாகை கடற்கரை காவல் நிலையத்துக்கு தகவல் தெரிவித்தனா். பின்னா், பால்ராஜீன் சடலம், உடற்கூறாய்வுக்காக நாகை அரசு மருத்துவக் கல்லூரி மருத்துவமனைக்கு அனுப்பி வைக்கப்பட்டது.
இதுதொடா்பாக, நாகை கடற்கரை காவல்நிலைய போலீஸாா் விசாரித்து வருகின்றனா்.
