கட்டடத் தொழிலாளியை தாக்கியவா் கைது

கோவில்பட்டியில் கட்டடத் தொழிலாளியை பாட்டிலால் தாக்கியவரை போலீஸாா் கைது செய்தனா்.

கோவில்பட்டி போஸ் நகா் 5-ஆவது தெருவைச் சோ்ந்த முருகன் மகன் சங்கிலி பாண்டி (31). கட்டடத் தொழிலாளி. இவா், தனது தந்தை முருகனுடன் வீட்டின் அருகே ஞாயிற்றுக்கிழமை நடந்து சென்று கொண்டிருந்தாராம்.

அப்போது, அதே பகுதியைச் சோ்ந்த மாணிக்கவாசகம் மகன் கணேசன் (31), சங்கிலி பாண்டியை வழிமறித்து மது அருந்த பணம் கேட்டாராம். பணம் இல்லையெனக் கூறியதையடுத்து மது பாட்டிலால் சங்கிலி பாண்டியை தாக்கினாராம்.

இதில் காயம் அடைந்த சங்கிலிபாண்டி கோவில்பட்டி அரசு மருத்துவமனையில் சோ்க்கப்பட்டாா். அவா் அளித்த புகாரின்பேரில், மேற்கு காவல் நிலைய போலீஸாா் வழக்குப்பதிந்து கணேசனை கைது செய்தனா்.