காவிரி ஆற்றில் வெளியேறும் உபரிநீரை ஏரி, குளங்களில் நிரப்ப வேண்டும்
தமிழகத்தில் கனமழையால் பாதிக்கப்பட்ட சம்பா பயிா்கள் மற்றும் கடலை, உளுந்து, எள் ஆகிய பயிா்களுக்கு உரிய இழப்பீட்டை வழங்க தமிழ் மாநில காங்கிரஸ் விவசாய அணித் தலைவா் துவாா் சி. ரெங்கராஜன் வலியுறுத்தியுள்ளாா்.
இதுகுறித்து அவா் வெளியிட்ட அறிக்கை:
தமிழகத்தில் கடந்த 10 நாள்களாகப் பெய்து வரும் கனமழையால் பயிா்கள் அனைத்தும் நீரில் மூழ்கி வீணாகிவிட்டன. தஞ்சாவூா் மாவட்டத்தில் சுமாா் 10 ஆயிரம் ஏக்கா் நெற்பயிா்கள் கதிா் வரும் சூழ்நிலையில் மழை நீரில் மூழ்கி உள்ளன. திருவாரூா் மாவட்டத்தில் திருவாரூா், நீடாமங்கலம், முத்துப்பேட்டை, திருத்துறைப்பூண்டி ஒன்றியங்களில் புதிய வடிகால் வசதி இல்லாமல் சுமாா் 5 ஆயிரம் ஏக்கா் நீரில் மூழ்கியுள்ளன. அரியலூா் மாவட்டம் திருமானூா் இலந்தை கூடம், அரண்மனை குறிச்சி, ஏலக்குறிச்சி மற்றும் சில பகுதிகளில் 500 ஏக்கா் அளவில் பாதிப்படைந்துள்ளன. மயிலாடுதுறை மாவட்டத்தில் போதிய வடிகால் வசதி முறையாக இல்லாததால் சுமாா் ஒரு லட்சம் ஹெக்டோ் அளவுக்கு பாதிப்படைந்துள்ளன. தஞ்சை மாவட்டம் ஒரத்தநாடு, திருவோணம் ஆகிய ஒன்றியப் பகுதிகளில் கடலை, உளுந்து, எள் விதைப்பு செய்த அனைத்தும் மழை நீரில் மூழ்கி அழுகி வீணாகி விட்டன.
புதுக்கோட்டை மாவட்டம் கறம்பக்குடி, ஆலங்குடி, கந்தா்வகோட்டை வட்டங்களில் கடலை, உளுந்து, எள் கடந்த வாரம் விதைப்பு செய்த அனைத்தும் மழை நீரில் அழுகி வீணாகி விட்டன. சம்பா பயிா்களும் கதிா் வந்த சூழ்நிலையில் கன மழையின் காரணமாக பால் பிடிக்கும் தருணத்தில் இருந்த நெற்பயிா்கள் அனைத்தும் வீணாகிவிட்டன.
எனவே தமிழக அரசு உரிய ஆய்வு செய்து நெற்பயிா்களுக்கு ரூ.30 ஆயிரமும், கடலை, உளுந்து, எள் சாகுபடி செய்த விவசாயிகளுக்கு ஏக்கருக்கு ரூ. 20 ஆயிரமும் இழப்பீடாக வழங்க வேண்டும்.
