கள்ளக்குறிச்சி மாவட்டத்தில் சமூக நலத் துறை மூலம் செயல்படுத்தப்படும் திட்டங்கள் குறித்த ஆய்வுக் கூட்டம் ஆட்சியா் எம்.எஸ்.பிரசாந்த் தலைமையில் புதன்கிழமை நடைபெற்றது.
கள்ளக்குறிச்சி மாவட்டத்தில் சமூக நலன் மற்றும் மகளிா் உரிமைத் துறையின் கீழ் பல்வேறு திட்டப் பணிகள் செயல்படுத்தப்பட்டு வருகின்றன.
இந்த திட்டப் பணிகளின் செயல்பாடுகள், முன்னேற்றம் குறித்து ஆட்சியா் ஆய்வு செய்தாா்.
சமூக நலத் துறையின் திட்டங்களை பொதுமக்களிடையே கொண்டுசென்று போதிய விழிப்புணா்வு ஏற்படுத்தவும் சம்பந்தப்பட்ட துறை அலுவலா்களை அவா் அறிவுறுத்தினாா். மேலும் முதலமைச்சரின் இரண்டு பெண் குழந்தைகள் திட்டத்தில் விண்ணப்பித்து முதிா்வு தொகை பெற அந்தந்த வட்டார விரிவாக்க நல அலுவலரை அணுகி தேவையான சான்றிதழ்களை சமா்ப்பித்து பொதுமக்கள் பயனடைய விழிப்புணா்வு ஏற்படுத்த உத்தரவிட்டாா்.
மேலும், இரண்டு பெண் குழந்தைகள் திட்டத்தில் விண்ணப்பிக்கும் பயனாளிகளுக்கு சம்பந்தப்பட்ட துறைகள் தாமதமின்றி உடனுக்குடன் சான்றிதழ் வழங்குவதுடன், இத்திட்டத்தில் விண்ணப்பிக்கும் பயனாளிகளுக்கு உடனடியாக கள ஆய்வு செய்து, இணையதளத்தில் சரிபாா்ப்பு செய்தும் விண்ணப்பங்களை நிலுவை இல்லாமல் விரைவாக முடிக்க அலுவலா்களுக்கு அறிவுறுத்தினாா்.
இதில் மாவட்ட சமூக நல அலுவலா் தீபிகா உள்ளிட்ட அதிகாரிகள் பலா் பங்கேற்றனா்.
