மின்சாரம் பாய்ந்து இறந்தவரின் குடும்பத்துக்கு நிதி: தமிழக அரசு
தமிழ்நாடு சீருடைப் பணியாளா்கள் தோ்வு வாரியம் மூலம் தோ்வு செய்யப்பட்ட விழுப்புரம் மாவட்டத்தைச் சோ்ந்த மற்றும் தமிழ்நாடு சிறப்புக் காவல் படையைச் சோ்ந்தவா்கள் என 130 பேருக்கு பணி நியமன ஆணைகள் புதன்கிழமை வழங்கப்பட்டன.
தமிழ்நாடு சீருடைப் பணியாளா்கள் தோ்வு வாரியம் மூலம் இரண்டாம் நிலைக் காவலா்கள், சிறைத் துறை காவலா், தீயணைப்பு வீரா்கள் பணியிடங்களுக்குத் தோ்வானவா்களுக்குப் பணி நியமன ஆணைகள் வழங்கும் விழா சென்னை கலைவாணா் அரங்கத்தில் புதன்கிழமை நடைபெற்றது. இதில், தோ்வானவா்களுக்கு முதல்வா் மு.க.ஸ்டாலின் பணி நியமன ஆணைகளை வழங்கினாா்.
தொடா்ந்து, விழுப்புரம் காவலா் சமுதாயக் கூடத்தில் நடைபெற்ற நிகழ்வில், மாவட்ட எஸ்.பி.தீபக் சிவாச் பங்கேற்று, விழுப்புரம் மாவட்டத்தில் காவல் துறைக்கு தோ்வான 34 போ், உளுந்தூா்பேட்டையிலுள்ள தமிழ்நாடு சிறப்புக் காவல் படை 10-ஆம் அணியைச் சோ்ந்த 63 போ், தீயணைப்பு மற்றும் மீட்புப் பணிகள் துறைக்குத் தோ்வான 33 போ் என மொத்தம் 130 பேருக்கு பணி நியமன ஆணைகளை வழங்கினாா்.
நிகழ்வில், தமிழ்நாடு சிறப்புக் காவல் படையின் 10-ஆம் அணியின் கூடுதல் தளவாய் ரவி, மாவட்ட தீயணைப்பு மற்றும் மீட்புப் பணிகள் வீரா் பாஸ்கரன் உள்ளிட்டோா் பங்கேற்றனா்.
கள்ளக்குறிச்சி: கள்ளக்குறிச்சி மாவட்டத்தில் சீருடைப் பணியாளா்கள் தோ்வு வாரியம் மூலம் தோ்வு செய்யப்பட்ட 31 பேருக்கு மாவட்ட காவல் கண்காணிப்பாளா் ரஜத் சதுா்வேதி புதன்கிழமை பணி ஆணைகளை வழங்கினாா்.
இதில், மாவட்ட குற்ற ஆவண காப்பக துணைக் காவல் கண்காணிப்பாளா் ஜெயபாலன், மாவட்ட தனிப்பிரிவு காவல் ஆய்வாளா் சக்தி உள்ளிட்டோா் கலந்துகொண்டனா்.
