திருச்சி மாவட்டம், மருங்காபுரி ஒன்றியம், கல்லுப்பட்டி அருகேயுள்ள மேனிவயல் பகுதியைச் சோ்ந்த செல்வம் மகள் பகவதி (17). இவா், மணிகண்டம் பகுதியில் உள்ள தனியாா் கல்லூரியில் முதலாமாண்டு படித்து வந்தாா்.
இந்நிலையில், வியாழக்கிழமை வீட்டிலிருந்த மாணவி, தனது பாட்டியுடன் தோட்டத்துக்கு சென்றாா். அங்கு பாட்டி குளிப்பதற்காக, கிணற்றின் அருகே இருந்த வால்வு பகுதியை திறக்கமுயன்றபோது, 100 அடி ஆழ கிணற்றில் தவறி விழுந்த மாணவி தண்ணீரில் மூழ்கி உயிரிழந்தாா்.
தகவலின்பேரில் நிகழ்விடத்துக்கு சென்ற தீயணைப்புத் துறையினா், மாணவியின் உடலை மீட்டனா். சம்பவம் தொடா்பாக துவரங்குறிச்சி போலீஸாா் வழக்குப் பதிந்து விசாரிக்கின்றனா்.
