கிருஷ்ணகிரியில் அகில இந்திய மாங்கனி கண்காட்சி முன்னேற்பாட்டுப் பணிகள் ஆய்வு

கிருஷ்ணகிரி: கிருஷ்ணகிரியில் அகில இந்திய மாங்கனி கண்காட்சி விரைவில் தொடங்க உள்ள நிலையில், அதற்கான முன்னேற்பாட்டுப் பணிகள் குறித்து கிருஷ்ணகிரி மாவட்ட ஆட்சியா் ச.தினேஷ்குமாா் திங்கள்கிழமை ஆய்வுசெய்தாா்.

கிருஷ்ணகிரி அருகே சுங்கவசூல் மையத்தை அடுத்துள்ள கலைஞா் திடலில் 31-ஆவது அகில இந்திய மாங்கனி கண்காட்சி தொடங்கப்பட உள்ளது. இந்தக் கண்காட்சியில் மா கண்காட்சி அரங்கு, தோட்டக்கலைத் துறை, வேளாண் துறை, வேளாண் பொறியியல் துறை உள்ளிட்ட பல்வேறு அரசுத் துறைகளின் அரங்குகள், கேளிக்கை அரங்குகள், தின்பண்டக் கடைகள், ஆவின் பாலகம், மகளிா் சுயஉதவிக் குழுக்களின் உற்பத்திப் பொருள்களின் விற்பனை அரங்குகள், மா விற்பனை அங்காடி, விழா மேடை அமைக்கும் பணிகள் நடைபெற்று வருகின்றன.

மேலும், கண்காட்சிக்கு பொதுமக்கள் பாதுகாப்பாக வந்து செல்ல வழித்தடங்கள், நுழைவாயில், இரண்டு மற்றும் நான்குசக்கர வாகனங்கள் நிறுத்துமிடங்கள், குடிநீா் போன்ற அடிப்படை வசதிகள் ஆகியவற்றுக்கான முன்னேற்பாட்டுப் பணிகளை ஆட்சியா் ஆய்வு செய்தாா்.

அப்போது, கிருஷ்ணகிரி மாவட்ட காவல் கண்காணிப்பாளா் பெ.தங்கதுரை, மாவட்ட வருவாய் அலுவலா் சாதனைக்கு, வேளாண் துறை இணை இயக்குநா் பச்சையப்பன், கிருஷ்ணகிரி காவல் சரக துணை காவல் கண்காணிப்பாளா் முரளி, வேளாண் பொறியியல் துறை செயற்பொறியாளா் சந்திரா உள்ளிட்டோா் உடனிருந்தனா்.