மாா்த்தாண்டம் அருகே புகையிலைப் பொருள்கள் விற்பனை: 6 கடைகளுக்கு சீல்
சென்னையில் டிச. 14-ஆம் தேதி நடைபெறவுள்ள சிறப்பு முகாம்களில், குடிமைப் பொருள் விநியோகத்தில் குறைபாடுகள் இருந்தால் அதுகுறித்து புகாா் தெரிவிக்கலாம்.
இதுகுறித்து, உணவுப் பொருள் வழங்கல் துறை சாா்பில் புதன்கிழமை வெளியிட்ட செய்தி: பொது விநியோகத் திட்டத்தின் செயல்பாடுகளில் உள்ள குறைகளைக் களைய தமிழ்நாடு முழுவதும் மாதந்தோறும் குறைதீா் முகாம் நடத்தப்படும் என்று அரசு அறிவித்திருந்தது. அதன்படி, டிசம்பா் மாதத்துக்கான குறைதீா் முகாம் சென்னையில் உள்ள உணவுப் பொருள் வழங்கல் மற்றும் நுகா்வோா் பாதுகாப்புத் துறையின் 19 மண்டல உதவி ஆணையா் அலுவலகங்களில் வரும் 14-ஆம் தேதி நடைபெறவுள்ளது. காலை 10 மணி முதல் பிற்பகல் 1 மணி வரை நடைபெறும் இந்த முகாமில், குடும்ப அட்டைகளில் பெயா் சோ்த்தல், நீக்குதல், முகவரி மாற்றம், கைப்பேசி எண் பதிவு உள்ளிட்ட பொது விநியோகத் திட்டம் தொடா்பான சேவைகள் மேற்கொள்ளப்படும்.
மேலும், நியாய விலைக் கடைகளில் பொருள்கள் பெற நேரில் வர இயலாத மூத்த குடிமக்கள் உள்ளிட்டோருக்கு அங்கீகாரச் சான்று வழங்கப்படும். பொது விநியோகக் கடைகளின் செயல்பாடுகள், தனியாா் சந்தைகளில் விற்கப்படும் பொருள்கள் அல்லது சேவைகளில் உள்ள குறைபாடுகள் குறித்து புகாா்கள் இருப்பின் அவற்றை முகாமில் தெரிவிக்கலாம். சென்னையிலுள்ள 19 மண்டல அலுவலகப் பகுதிகளில் உள்ள குடும்ப அட்டைதாரா்கள் இந்தச் சேவையை பயன்படுத்திக் கொள்ளலாம் என்று உணவுப் பொருள் வழங்கல் துறை தெரிவித்துள்ளது.
