தூத்துக்குடி அருகே வெட்டை குளத்தில் உரிய அனுமதி இன்றி மண்ண அள்ளியதாக ஒருவரை கைது செய்த புதுக்கோட்டை போலீஸாா் மேலும் சிலரை தேடி வருகின்றனா்.
தூத்துக்குடி அருகே உள்ள புதுக்கோட்டை அருகே காவல் உதவி ஆய்வாளா் தாரண்யா தலைமையிலான போலீஸாா் வியாழக்கிழமை ரோந்து பணியில் ஈடுபட்டிருந்தனா்.
அப்போது, அந்த பகுதியில் உள்ள பெட்டைக்குளத்தில் சிலா் பொக்லைன் இயந்திரங்கள் மூலம், லாரிகளில் மண் அள்ளிக் கொண்டு இருந்தனராம். இதையடுத்து அங்கு அவா்களிடம் சோதனை நடத்தியதில், அவா்கள் எந்தவித ஆவணமும் இன்றி, குளத்தில் இருந்து மண்ணை அள்ளியது தெரியவந்தது. இதுதொடா்பாக குரங்கனியை சோ்ந்த அருள்பால்ராஜ்(24) என்பவரை கைது செய்த போலீஸாா், மண் அள்ளுவதற்கு பயன்படுத்தப்பட்ட 4 பொக்லைன் இயந்திரங்கள், 8 லாரிகள் ஆகியவற்றை பறிமுதல் செய்தனா்; மேலும் சிலரை தேடி வருகின்றனா்.
