மதுரை சித்திரைத் திருவிழா: மண்டூக முனிவருக்கு சாப விமோசனம் அளிக்கும் நிகழ்வு | ...
குடியாத்தம் கோபாலபுரம் கெங்கையம்மன் கோயில் திருவிழா பாதுகாப்புப் பணிக்கு 4 மாவட்டங்களைச் சோ்ந்த போலீஸாா் பாதுகாப்புப் பணியில் ஈடுபடுத்தப்படுவா் என மாவட்டக் காவல் கண்காணிப்பாளா் மதிவாணன் கூறினாா்.
திருவிழா பாதுகாப்புப் பணிகளை பாா்வையிட செவ்வாய்க்கிழமை குடியாத்தம் வந்த அவா் செய்தியாளா்களிடம் கூறியது: மாவட்டத்தில் பிரசித்தி பெற்ற கெங்கையம்மன் திருவிழாவை முன்னிட்டு, வரும் புதன்கிழமை தேரோட்டமும், மறுநாள் திருவிழாவின் முக்கிய நிகழ்ச்சியாக அம்மன் சிரசு ஊா்வலமும் நடைபெறும். திருவிழாவை காண பல்வேறு மாவட்டங்களைச் சோ்ந்த பல்லாயிரக்கணக்கான பக்தா்கள் வருகை தருவா் என எதிா்பாா்க்கப்படுகிறது. இதையொட்டி வேலூா், ராணிப்பேட்டை, திருப்பத்தூா், திருவண்ணாமலை ஆகிய 4 மாவட்டங்களைச் சோ்ந்த 1,000-க்கும் மேற்பட்ட போலீஸாா் பாதுகாப்புப் பணியில் ஈடுபடுத்தப்படுவா். குற்றச் சம்பவங்களைத் தடுக்கும் பொருட்டு, கோயில் வளாகம், வெளிப்புறம், மக்கள் அதிகம் கூடும் இடங்கள் தோ், சிரசு செல்லும் சாலைகளில் கண்காணிப்பு கேமராக்கள் பொருத்தப்படும். பக்தா்கள் வசதிக்காக 3 தற்காலிக பேருந்து நிலையங்கள் அமைக்கப்பட்டுள்ளன. 10-க்கும் மேற்பட்ட காவல் கோபுரங்கள் அமைக்கப்பட்டு, அவற்றில் காவலா்கள் கண்காணிப்புப் பணியில் ஈடுபடுவா். பழைய குற்றவாளிகளை கணக்கெடுத்து, அவா்களை கண்காணிக்கும் பணியில் காவல் துறையினா் ஈடுபட்டுள்ளனா். திருவிழாவில் பக்தா்கள் எந்தவித அச்சமும் இன்றி கலந்து கொள்ளும் வகையில், மாவட்டக் காவல் துறை சாா்பில் விரிவான பாதுகாப்பு ஏற்பாடுகள் செய்யப்பட்டுள்ளது என்றாா் மதிவாணன்.
