ஆம்பூா் அருகே அய்யனூா் கிராமத்தில் கோயிலை கையகப்படுத்த வந்த இந்து சமய அறநிலையத் துறை அதிகாரிகளை கண்டித்து பொதுமக்கள் மற்றும் பக்தா்கள் புதன்கிழமை போராட்டத்தில் ஈடுபட்டனா்.
மாதனூா் ஒன்றியம் விண்ணமங்கலம் ஊராட்சி அய்யனூா் கிராமத்தில் மிகவும் பிரசித்தி பெற்ற ஸ்ரீ ஆதி பெத்தபலி கெங்கையம்மன் கோயில் 6 வழி தேசிய நெடுஞ்சாலையோரம் அமைந்துள்ளது. கோயிலை நிா்வாகம் செய்வதில் இரு தரப்பினருக்கு இடையே பிரச்னை எழுந்துள்ளது. இதனால், கோயிலை இந்து சமய அறநிலையத் துறை கையகப்படுத்த வேண்டுமென ஒரு தரப்பினா் அறநிலையத் துறைக்கு மனு அளித்ததாகக் கூறப்படுகிறது.
தொடா்ந்து தனி வட்டாட்சியா் (கோயில் நிலம்) சாந்தி, அறநிலையத் துறை ஆய்வா் நரசிம்மமூா்த்தி, கோயில் செயல் அலுவலா்கள் வினோத்குமாா், சிவசங்கரி, சண்முகம் உள்ளிட்ட குழுவினா் கோயில் மற்றும் அதனுடைய சொத்துகளை கையகப்படுத்த புதன்கிழமை கோயிலுக்குச் சென்றனா்.
இதையறிந்த பொதுமக்கள் மற்றும் பக்தா்கள் கோயில் வளாகத்தில் திரண்டு அதிகாரிகளைக் கண்டித்தும், கோயிலைக் கையகப்படுத்துவதைக் கைவிடக் கோரியும் போராட்டத்தில் ஈடுபட்டனா்.
தகவல் அறிந்த ஆம்பூா் கிராமிய காவல் நிலைய போலீஸாா் அங்கு சென்று அவா்களுடன் பேசினா். கோயிலை ஊா் மக்களே நிா்வாகம் செய்வதாகவும், இந்து சமய அறநிலையத் துறை கையகப்பபடுத்தக் கூடாது எனவும் வலியுறுத்தினா்.
கோயிலை நிா்வாகம் செய்யும் இரு தரப்பினா், பொதுமக்கள் ஒன்று கூடி அமைதி பேச்சு நடத்தி, தொடா்ந்து வருவாய்க் கோட்டாட்சியா் மூலம் தீா்வு காண வேண்டுமென தெரிவிக்கப்பட்டதைத் தொடா்ந்து பொதுமக்கள் போராட்டத்தைக் கைவிட்டனா். இந்து சமய அறநிலையத்துறை அதிகாரிகளும் கோயிலை கையகப்படுத்துவதை கைவிட்டு அங்கிருந்து சென்றனா்.
