கோவில்பட்டி அருகே ஊராட்சித் தலைவரை தாக்கியவா் கைது

கோவில்பட்டி அருகே ஊராட்சித் தலைவரைத் தாக்கி கொலை மிரட்டல் விடுத்தவரை போலீஸாா் சனிக்கிழமை கைது செய்தனா்.

பீக்கிலிபட்டி கிழக்குத் தெருவைச் சோ்ந்த வீரபெருமாள் மகன் முருகேசன் (54). இவா் பீக்கிலிப்பட்டி ஊராட்சித் தலைவராகவும், திமுக மத்திய ஒன்றியச் செயலராகவும் உள்ளாா்.

இவா் குடியிருக்கும் தெரு வழியாக அதே ஊரைச் சோ்ந்த வேலு மகன் முனியசாமி (55) வியாழக்கிழமை இரவு பைக்கில் சென்றாா். அப்போது, ஜல்லிக்கற்கள் மீது பைக் ஏறியதில் அவா் நிலைதடுமாறி கீழே விழுந்தாராம். பின்னா், அவா் ஊராட்சித் தலைவரின் வீட்டைப் பாா்த்து அவதூறாகப் பேசியதாகக் கூறப்படுகிறது.

இதுதொடா்பாக முருகேசன் கேட்டபோது, அவரை முனியசாமி அவதூறாகப் பேசி தாக்கியதுடன் கொலை மிரட்டல் விடுத்தாராம்.

இதுகுறித்து முருகேசன் வெள்ளிக்கிழமை அளித்த புகாரின்பேரில், நாலாட்டின்புதூா் போலீஸாா் வழக்குப் பதிந்து, முனியசாமியை சனிக்கிழமை கைது செய்தனா்.