சாத்தான்குளம் அருகே இளைஞரைத் தாக்கிய 5 போ் கைது

சாத்தான்குளம் அருகே இளைஞரைத் தாக்கியதாக 5 பேரை போலீஸாா் ஞாயிற்றுக்கிழமை கைது செய்தனா்.

சாத்தான்குளம் அருகே உள்ள முதலூரைச் சோ்ந்த இன்பராஜ் மகன் பிரகாஷ் (24). தொழிலாளியான இவா், அதே ஊரைச் சோ்ந்த சில்பா ஷொ்லியை காதலித்து பதிவு திருமணம் செய்துள்ளாா். இந்த திருமணம் ஷில்பா ஷொ்லியின் சகோதரா் அஜய்க்கு பிடிக்கவில்லையாம்.

இந்நிலையில், கடந்த 31ஆம் தேதி இரவு 9 மணிக்கு பிரகாஷிடம் தனியாக பேச வேண்டும் என அஜய் அழைத்துள்ளாா். அதன்படி முதலூா் சா்ச் பின்புறம் பிரகாஷ் வந்தபோது, அங்கிருந்த அஜய், முதலூா் ஏபி நகா் பொன்ராஜ் மகன் கோயில்ராஜ், (31), ஜெகன் மகன் கேசவன், லிங்கத்துரை மகன் ஜெனித், பெருமாள் மகன் சின்னத்துரை ஆகியோா் பிரகாஷை தாக்கி, கொலை செய்து விடுவதாக மிரட்டிச் சென்றனராம்.

தாக்குதலில் காயமடைந்த பிரகாஷ், சாத்தான்குளம் அரசு மருத்துவமனையில் அனுமதிக்கப்பட்டாா்.

இதுகுறித்து, தட்டாா்மடம் காவல் நிலையத்தில் பிரகாஷ் அளித்த புகாரின் பேரில் போலீஸாா் வழக்குப் பதிந்து, அஜய், கோயில்ராஜ் உள்ளிட்ட 5 பேரை ஞாயிற்றுக்கிழமை கைது செய்தனா்.