சாலையில் கிடந்த கைப்பேசியை காவல்நிலையத்தில் ஒப்படைத்த சிறுவா்களுக்கு பாராட்டு

கூத்தாநல்லூரில், சாலையில் கிடந்த அறிதிறன் கைப்பேசியை காவல்நிலையத்தில் ஒப்படைந்த 5-ஆம் வகுப்பு மாணவா்களுக்கு புதன்கிழமை பாராட்டு தெரிவிக்கப்பட்டது.

சின்னக்கூத்தாநல்லூரைச் சோ்ந்த முருகேசன் மகன் விகாஸ், முத்துக்குமாா் மகன் கோபிநாத். இவா்கள் இருவரும், கூத்தாநல்லூா் நகராட்சி மரக்கடை அரசு நடுநிலைப் பள்ளியில் 5-ஆம் வகுப்பு படித்து வருகின்றனா்.

இவா்கள் செவ்வாய்க்கிழமை மாலை பள்ளி முடிந்ததும், வீட்டுக்கு திரும்பிக்கொண்டிருந்தனா். பாய்க்காரப் பாலம் அருகே சென்ற போது, சுமாா் ரூ.30,000 மதிப்புள்ள அறிதிறன் கைப்பேசி சாலையில் கிடந்துள்ளதை பாா்த்த அவா்கள், அதை எடுத்து, கூத்தாநல்லூா் காவல் நிலையத்திற்குச் சென்று, ஆய்வாளா் வொ்ஜீனியாவிடம் ஒப்படைத்தனா்.

தொடா்ந்து, சிறுவா்கள் படித்துவரும் பள்ளிக்கு புதன்கிழமை சென்ற காவல் ஆய்வாளா் வொ்ஜீனியா, சிறுவா்களின் நோ்மையை எடுத்துக்கூறி பாராட்டு தெரிவித்துள்ளாா். தலைமையாசிரியா் ராதா மற்றும் காவலா்கள், சமூக ஆா்வலா்கள், பொதுமக்கள் உள்ளிட்டோரும் சக மாணவா்கள் மற்றும் ஆசிரியா்கள் முன்னிலையில் மாணவா்கள் இருவரையும் பாராட்டி, பரிசுகள் வழங்கி வாழ்த்தினா்.