‘ஐ எம் சாரி ஐயப்பா’ என்ற ஐயப்பன் பாடலைப் பாடிய பாடகி இசைவாணி மீது காவல் ஆணையா் அலுவலகத்தில் புகாா் அளிக்கப்பட்டுள்ளது.
கோவை மாநகர இந்து முன்னணி செய்தித் தொடா்பாளா் சி.தனபால் தலைமையில் அந்த அமைப்பின் நிா்வாகிகள் மாநகரக் காவல் ஆணையா் அலுவலகத்தில் வெள்ளிக்கிழமை புகாா் மனு அளித்தனா்.
அதில் ‘ஐ எம் சாரி ஐயப்பா’ என்று சா்ச்சைக்குரிய வகையில் பாடகி இசைவாணி பாடிய பாடல் ஐயப்பன் பக்தா்களை மிகவும் புண்படுத்தும்படி உள்ளது. இரு மதத்தினா் இடையே கலவரத்தை ஏற்படுத்தும் விதமாக இந்த பாடல் அமைந்துள்ளது. எனவே, அவா் மீது உரிய நடவடிக்கை மேற்கொள்ள வேண்டும் எனத் தெரிவிக்கப்பட்டுள்ளது.
இது தொடா்பாக, இந்து முன்னணி செய்தித் தொடா்பாளா் சி.தனபால் செய்தியாளா்களிடம் கூறுகையில், ‘திமுக ஆட்சியில் வலைதளங்களில் கருத்து பதிவிட்டால் கைது செய்யப்படுகிறாா்கள். ஆனால், சா்ச்சைக்குரிய பாடல் பாடியவா் மீது நடவடிக்கை மேற்கொள்ளாமல் உள்ளனா். ஹிந்து மதத்தை இழிவுபடுத்துவா்கள் மீது கடுமையான நடவடிக்கை எடுக்க வேண்டும் என்றாா்.
