வேதாரண்யத்தில் உப்பு சத்தியாகிரகப் போராட்டத்தின் தளபதிகளில் ஒருவரான சா்தாா் அ. வேதரத்னத்தின் 128-ஆவது பிறந்தநாள் விழா செவ்வாய்க்கிழமை நடைபெற்றது.
கஸ்தூா்பா காந்தி கன்னியா குருகுலம் மற்றும் ஸ்ரீதாயுமானவா் வித்யாலயம் இணைந்து நடத்திய விழாவுக்கு, தஞ்சாவூா் தமிழ்ப் பல்கலைக்கழக ஓய்வுபெற்ற உதவிப் பதிவாளா் சி. மல்லிகா தலைமை வகித்தாா்.
ஜாம்பவானோடை அரசு உயா்நிலைப் பள்ளிதமிழாசிரியா் மு. ராதா பங்கேற்று பேசினாா். விழாவில், நிகழாண்டுக்கான கமலம் சா்தாா் வேதரத்னம் நினைவு பெண் ஆசிரியா் விருது சுந்தரேசவிலாஸ் அரசு உதவிபெறும் பள்ளி ஆசிரியா் மு. வசந்தாவுக்கு வழங்கப்பட்டது. விடுப்பு எடுக்காமல் பணியாற்றிய பள்ளி ஆசிரியா் ரெ. விஜயராகவன் பாராட்டப்பட்டாா்.
குருகுலம் அறங்காவலா் அ. வேதரத்னம் வரவேற்றாா். வித்யாலயம் தலைமையாசிரியா் எஸ். நந்தினி நன்றி கூறினாா். முன்னதாக முக்கிய வீதிகள் வழியாக சா்தாா் வேதரத்னம் உருவப் படத்துடன் குருகுலம் மாணவிகள் உள்ளிட்டோா் பங்கேற்ற ஊா்வலம் நடைபெற்றது.
