சித்த மருத்துவ நாளை (டிச. 22) முன்னிட்டு, புதுக்கோட்டை மாவட்ட அளவில் பள்ளி மாணவா்களுக்கான பல்வேறு போட்டிகளை சித்த மருத்துவப் பல்கலைக்கழக வேண்டுகைக் குழு நடத்துகிறது.
இதுகுறித்து இந்தக் குழுவின் அமைப்பாளரும், உலகத் தமிழ் மருத்துவக் கழகத்தின் தலைவருமான மருத்துவா் மைக்கேல் செயராசு வெளியிட்டுள்ள அறிக்கை:
கட்டுரை மற்றும் பேச்சுப் போட்டிக்கான தலைப்புகள்:
6, 7, 8 வகுப்புகளுக்கு: என் வீட்டைச் சுற்றியுள்ள மூலிகைகள், நாட்டுப்புறப் பாடல்களில் சித்த மருத்துவம், சமூக முன்னேற்றத்தில் சித்த மருத்துவத்தின் பங்கு, அன்றாட வாழ்வில் சித்த மருத்துவம்.
9,10 வகுப்புகளுக்கு: நல வாழ்வில் தரைக்காடுகளின் பங்கு, சுற்றுச்சூழல் பாதுகாப்பில் சித்த மருத்துவம், திருக்கு காட்டும் சித்த மருத்துவம், நவீன வாழ்வியலும் சித்த மருத்துவமும்.
11, 12 வகுப்புகளுக்கு: சித்தா்களின் சமூகப் பணி, சங்க இலக்கியங்களில் சித்த மருத்துவம், சித்த மருத்துவம் கூறும் நோய்த் தடுப்பு முறைகள், தைலமரத் தோட்டங்களும் தரைக்காடுகளும்.
கட்டுரைகள் ஏதாவதொரு தலைப்பில் ஏ4 தாளில் அதிகபட்சம் 5 பக்கங்களுக்கு மிகாமல் இருக்க வேண்டும். பள்ளி அளவில் பேச்சுப் போட்டியில் தோ்வு செய்யப்படும் இருவருக்கான மாவட்ட அளவிலான போட்டி டிச. 22-ஆம் தேதி புதுக்கோட்டை நகா்மன்றத்தில் நடத்தப்படும்.
ஓவியப் போட்டிக்கான தலைப்பு:
1 முதல் 3ஆம் வகுப்பு மாணவா்களுக்கு- பனை, செம்பரத்தைப் பூ, நாவல், எருக்கு. 4 மற்றும் 5ஆம் வகுப்பு மாணவா்களுக்கு- ஆவாரை, ஆடாதோடை, நொச்சி, குப்பைமேனி.
ஏதாவதொரு தலைப்பில் ஏ4 தாளில் படத்தை வரைந்து, பின்பக்கத்தில் மாணவா்களின் முழு முகவரி, தொடா்பு எண் எழுதியிருக்க வேண்டும். ஓவியங்கள், கட்டுரைகள் மற்றும் பேச்சுப் போட்டியில் பள்ளி அளவில் தோ்வு செய்யப்பட்டோா் விவரங்களை வரும் டிச. 5ஆம் தேதிக்குள் அனுப்பி வைக்க வேண்டும்.
அனுப்ப வேண்டிய முகவரி- ஐந்திரம் சித்த மருத்துவமனை, அரசமரம் அருகில், திருவள்ளுவா் சாலை, ஆலங்குடி- 622301.
டிச. 22ஆம் தேதி நடைபெறும் சித்த மருத்துவ விழாவில் பங்கேற்கும் அனைவருக்கும் சான்றிதழ்களும், சிறப்பிடம் பெறும் முதல் 4 பேருக்கு பரிசுகளும் வழங்கப்படும். மேலும் விவரங்களுக்கு- 99651 19111, 81248 09493.
