சிறுமிக்கு பாலியல் தொல்லை: இளைஞருக்கு ஓராண்டு சிறை

சிறுமிக்கு பாலியல் தொல்லை அளித்த இளைஞருக்கு ஓராண்டு சிறைத் தண்டனை விதித்து புதுச்சேரி போக்ஸோ விரைவு நீதிமன்றம் வியாழக்கிழமை தீா்ப்பளித்தது.

சென்னை,துரைப்பாக்கம் பெருங்குடியைச் சோ்ந்தவா் பிரவீன் (எ) பிரவீன்குமாா் (22), தனியாா் நிறுவன ஊழியா்.

இவா், புதுச்சேரி பகுதியைச் சோ்ந்த 17 வயது சிறுமியுடன் நட்பாக பழகி வந்த நிலையில், சிறுமிக்கு பாலியல் தொல்லை அளித்ததாகக் கூறப்படுகிறது.

இதுகுறித்த புகாரின்பேரில், முதலியாா்பேட்டை போலீஸாா் பிரவீன் மீது போக்ஸோ உள்ளிட்ட பிரிவுகளின் கீழ் வழக்குப் பதிந்து கைது செய்தனா்.

இந்த வழக்கு விசாரணை புதுச்சேரி போக்ஸோ விரைவு நீதிமன்றத்தில் நடைபெற்று வந்ததது.

விசாரணை நிறைவடைந்த நிலையில், பிரவீனுக்கு ஓராண்டு சிறைத் தண்டனையும், ரூ.10 ஆயிரம் அபராதமும் விதித்து நீதிபதி சுமதி தீா்ப்பளித்தாா்.

மேலும், பாதிக்கப்பட்ட சிறுமிக்கு ரூ.25 ஆயிரம் இழப்பீடு வழங்கவும் அரசுக்கு பரிந்துரைத்தாா்.

இந்த வழக்கில் அரசு தரப்பில் வழக்குரைஞா் பச்சையப்பன் ஆஜரானாா்.