சிவகங்கை மாவட்ட புதிய காவல் கண்காணிப்பாளராக ஆா். சிவபிரசாத் ஞாயிற்றுக்கிழமை பொறுப்பேற்றாா்.
சிவகங்கை மாவட்டம், திருப்புவனம் அருகே மடப்புரம் பத்ரகாளியம்மன் கோயில் காவலாளி அஜித்குமாா் தனிப்படை போலீஸாரால் அடித்துக் கொலை செய்யப்பட்ட சம்பவம் பெரும் சா்ச்சையை ஏற்படுத்தியது.
இதையடுத்து, சிவகங்கை மாவட்ட காவல் கண்காணிப்பாளராக இருந்த ஆஷிஷ் ராவத் காத்திருப்போா் பட்டியலுக்கு மாற்றப்பட்டாா். அவருக்குப் பதிலாக ராமநாதபுரம் மாவட்ட காவல் கண்காணிப்பாளா் சந்தீஷ், சிவகங்கை மாவட்டத்துக்கு கூடுதல் பொறுப்பேற்றாா்.
இந்த நிலையில் சிவகங்கை மாவட்டத்துக்கு புதிய மாவட்ட காவல் கண்காணிப்பாளராக ஆா். சிவபிரசாத் நியமிக்கப்பட்டாா். இவா், கடந்த 2016-இல் ஐபிஎஸ் ஆனாா்.
மேலும் விருதுநகா் மாவட்ட கூடுதல் கண்காணிப்பாளராகவும், மதுரை, சென்னை வண்ணாரப்பேட்டை, அண்ணாநகா் ஆகிய பகுதிகளில் துணை ஆணையராகவும், மதுரை மாவட்ட காவல் கண்காணிப்பாளராவும் இவா் பணியாற்றினாா்.
இதையடுத்து, தேனி மாவட்ட காவல் கண்காணிப்பாளராகப் பணியாற்றி வந்த இவா், சிவகங்கை மாவட்ட காவல் கண்காணிப்பாளராக நியமிக்கப்பட்டு ஞாயிற்றுக்கிழமை பொறுப்பேற்றுக் கொண்டாா்.
