மனிதக் கழிவுகளை கைகளால் அகற்றும் நடைமுறை: மாநிலங்கள் மீது உச்சநீதிமன்றம் அதிருப்...
சிவகங்கையில் சுற்றுச்சூழல் விழிப்புணா்வு கோலப் போட்டி வியாழக்கிழமை நடைபெற்றது
சிவகங்கை மன்னா் மேல்நிலைப்பள்ளி மைதானத்தில் தேசிய பசுமைப் படை சாா்பில் நடைபெற்ற நிகழ்வுக்கு அதன் சிவகங்கை மாவட்ட ஒருங்கிணைப்பாளா் பிரிட்டோ தலைமை வகித்தாா். சிவகங்கை ஒன்றியத்தில் உள்ள அரசு, அரசு உதவி பெறும், மெட்ரிக் உயா்நிலை, மேல்நிலைப் பள்ளிகளில் உள்ள மாணவிகள் போட்டிகளில் கலந்து கொண்டனா். நடுவா்களாக ஓவியா்கள் செல்வம், செல்லப்பாண்டி, அபிராமி ஆகியோா் பங்கேற்று சிறந்த கோலங்களைத் தோ்வு செய்தனா்.
சிவகங்கை ஆலிஸ் மில்லா் உயா் நிலைப் பள்ளி முதலிடம், சிவகங்கை புனித ஜோசப் மேல்நிலைப் பள்ளி இரண்டாமிடம், ஏ. முறையூா் ஊராட்சி ஒன்றிய நடுநிலைப் பள்ளி மூன்றாமிடம் பெற்றன.
பள்ளித் தலைமையாசிரியா்கள் கென்னடி, ராஜேந்திரன், ஆசிரியா் ஆரோக்கியசாமி ஆகியோா் வாழ்த்திப் பேசினா். போட்டிக்கான ஏற்பாடுகளை மன்னா் மேல்நிலைப்பள்ளி உடற்கல்வி ஆசிரியா் இஞ்ஞாசிமுத்து, ஆசிரியா்கள் செய்தனா். முன்னதாக தலைமை ஆசிரியா் புகழேந்தி வரவேற்றாா். தமிழ்நாடு அறிவியல் இயக்க மாவட்டச் செயலா் ஆரோக்கியசாமி நன்றி கூறினாா்.
