செங்கல்பட்டு மாவட்ட விவசாயிகள் நலன் காக்கும் கூட்டம் ஆட்சியா் அலுவலக கூட்டரங்கில் வெள்ளிக்கிழமை நடைபெற்றது.
கூட்டத்துக்கு மாவட்ட ஆட்சியா் ச.அருண்ராஜ் தலைமை வகித்தாா். விவசாயிகள் கலந்து கொண்டு கோரிக்கைகள், குறைகள் தொடா்பாக மனுக்களை மாவட்ட ஆட்சியரிடம் வழங்கினா். அவற்றின் மீது உரிய நடவடிக்கை எடுக்க துறை சாா்ந்த அலுவலா்களுக்கு ஆட்சியா் உத்தரவிட்டாா்.
கூட்டத்தில் விவசாயிகளின் கோரிக்கை: மழைக் காலம் நெருங்குவதனால் ஏரி, குளங்களை தூா்வாரி சீரமைக்க வேண்டும். அதேபோல் நீா்நிலை ஆக்கிரமிப்புகளை அகற்றி, வடிகால் அமைத்துத் தர நடவடிக்கை மேற்கொள்ளுமாறு கோரிக்கை விடுத்தனா்.
நிரந்தர நேரடி நெல் கொள்முதல் நிலையம் அமைக்க வேண்டும். கிராமப் பகுதிகளில் தாா் சாலைகள் பழுதடைந்த நிலையில் உள்ளதால் அவற்றைச் சரி செய்து தருமாறு கோரிக்கை வைக்கப்பட்டது. வட்டம் வாரியாக உலா்களம் அமைக்க வேண்டும். ஆரம்ப சுகாதார நிலையங்களில் பாம்புக் கடிக்கு மருந்து இருப்பு வைக்க வேண்டும்.
வேளாண் விதைகள் போதிய அளவில் இருப்பில் இருக்க நடவடிக்கை மேற்கொள்ளுமாறு கேட்டுக் கொண்டனா். சாலையில் திரியும் மாடுகளை பிடித்து, அதன் உரிமையாளா்களுக்கு அபராதம் விதிக்க வேண்டும் என்றும், காட்டுப்பன்றிகளை கட்டுபடுத்த வேண்டும் என்றும் கோரிக்கை விடுத்தனா்.
விவசாயிகள் தெரிவித்த கோரிக்கைகள் தொடா்பாக விரைந்து நடவடிக்கை எடுக்கப்படும் என ஆட்சியா் தெரிவித்தாா்.
கூட்டத்தில் மாவட்ட வருவாய் அலுவலா் சுபா நந்தினி, கூடுதல் ஆட்சியா் அனாமிகா ரமேஷ், சாா் -ஆட்சியா் வெ.நாராயண சா்மா, ஆட்சியரின் நோ்முக உதவியாளா் (பொது) காஜா சாகுல் ஹமீது, மாவட்ட வழங்கல் அலுவலா் சாகிதா பா்வின், இணை இயக்குநா் (ளோண்மை) பிரேம் சாந்தி, மாவட்ட ஆட்சியரின் நோ்முக உதவியாளா் (வேளாண்மை) ராஜேஸ்வரி மற்றும் அரசு அலுவலா்கள் விவசாய சங்கப் பிரதிநிதிகள் கலந்து கொண்டனா்.
