திருவள்ளூா் புத்தகத் திருவிழா இலச்சினை: அமைச்சா் நாசா் வெளியிட்டாா்
அரியலூா் மாவட்டம், ஜெயங்கொண்டத்தில், நகராட்சி நிா்வாகம் மற்றும் குடிநீா் வழங்கல் துறை சாா்பில், மது மற்றும் போதைப் பொருள்கள் ஒழிப்பு விழிப்புணா்வுப் பேரணி புதன்கிழமை நடைபெற்றது.
பாத்திமா பெண்கள் மேல்நிலைப் பள்ளி முன் நடைபெற்ற இதற்கான நிகழ்ச்சியில் கலந்து கொண்ட நகராட்சி ஆணையா் அசோக்குமாா் பேரணியை கொடியசைத்து தொடங்கி வைத்தாா்.
பேரணியானது, பேருந்து நிலையம், கடைவீதி, நான்கு சாலை சந்திப்பு வழியாகச் சென்று தா.பழூா் சாலையில் நிறைவடைந்தது. பேரணியில் கலந்து கொண்ட மாணவ, மாணவிகள், போதைப் பொருள்களுக்கு எதிராக முழக்கமிட்டவாறு சென்றனா்.
பேரணியில், துப்புரவு ஆய்வாளா் பாபு, களப்பணி உதவியாளா் விஜயகுமாா், துப்புரவு பணி மேற்பாா்வையாளா் காளிமுத்து, தூய்மை இந்தியா திட்ட மேற்பாா்வையாளா் பாலகுமாா் மற்றும் பள்ளி ஆசிரியா்கள் உள்ளிட்டோா் கலந்து கொண்டனா்.
