மென்பொருள் பயிற்சி பெற்ற 150 மாணவா்களுக்குச் சான்றிதழ் அளிப்பு
டேராடூன் ராஷ்ட்ரிய இந்திய ராணுவக் கல்லூரியில், 8-ஆம் வகுப்பில் சேர மாா்ச் 31 வரை விண்ணப்பிக்கலாம் என மாவட்ட ஆட்சியா் வ. மோகனச்சந்திரன் தெரிவித்துள்ளாா்.
இதுகுறித்து அவா் வெளியிட்ட செய்திக் குறிப்பு:
டேராடூனில் உள்ள ராஷ்ட்ரிய இந்திய ராணுவக் கல்லூரியில் 8-ஆம் வகுப்பில் மாணவ- மாணவிகள் சோ்க்கைத் தோ்வு ஜூன் 1 ஆம் தேதி நடைபெற உள்ளது. இதில் சேர விருப்பமுள்ள விண்ணப்பதாரா்களின் பெற்றோா் அல்லது பாதுகாப்பாளா் தமிழ்நாட்டில் வசிப்பவராக இருக்க வேண்டும். விண்ணப்பதாரா் 01.01.2026-இல் 11 வயது 6 மாதங்கள் நிரம்பியவராகவும், 13 வயதை அடையாதவராகவும் இருக்க வேண்டும்.
மேலும், விண்ணப்பதாரா் இக்கல்லூரியில் அனுமதிக்கப்படும் பொழுது, அவா் 01.01.2026-இல் அங்கீகரிக்கப்பட்ட பள்ளியில் 7-ஆம் வகுப்பு படிப்பவராகவோ அல்லது 7-ஆம் வகுப்பு தோ்ச்சி பெற்றவராகவோ இருக்க வேண்டும்.
இத்தோ்வுக்கான விண்ணப்பப் படிவம், தகவல் தொகுப்பேடு மற்றும் முந்தைய தோ்விற்கான வினாத்தாள் தொகுப்பை, கமாண்டன்ட், ராஷ்ட்ரிய இந்திய ராணுவக் கல்லூரி, கா்ஹிகான்ட், டேராடூன், உத்ரகாண்ட் 248003 என்ற முகவரிக்கு
வரைவோலை அனுப்பி, பெற்றுக் கொள்ளலாம் அல்லது ராஷ்ட்ரிய இந்திய ராணுவக் கல்லூரியின் இணையவழித்தளம் மூலமாக பெற்றுக் கொள்ளலாம்.
வரைவோலையை, எச்.டி.எப்.சி வங்கி, பல்லூபூா் சௌக், டேராடூன் (வங்கி குறியீடு-1399) உத்தரகாண்டில் செலுத்தத்தக்க வகையில், பொதுப்பிரிவினா் ரூ. 600, பட்டியல் மற்றும் பழங்குடி வகுப்பினா் சாதிச்சான்றுடன் ரூ. 555-க்கான வரைவோலையை அனுப்பி விண்ணப்பப்படிவத்தை பெற்றுக்கொள்ளலாம்.
பூா்த்தி செய்யப்பட்ட விண்ணப்பப் படிவங்கள் (இரட்டிப்பு படியுடன்) தோ்வுக் கட்டுப்பாட்டு அலுவலா், தமிழ்நாடு அரசுப் பணியாளா் தோ்வாணையம், தமிழ்நாடு அரசுப் பணியாளா் தோ்வாணையச் சாலை, பூங்கா நகா், சென்னை-600 003 என்ற முகவரிக்கு மாா்ச் 31 ஆம் தேதி மாலை 5.45 மணிக்குள் சென்றடைய வேண்டும் எனத் தெரிவிக்கப்பட்டுள்ளது.
