மதுரை சித்திரைத் திருவிழா: மண்டூக முனிவருக்கு சாப விமோசனம் அளிக்கும் நிகழ்வு | ...
வேலூா் மாவட்டத்திலுள்ள தனியாா் பள்ளிகளின் வாகனங்களை மாவட்ட ஆட்சியா் வி.ஆா்.சுப்புலட்சுமி செவ்வாய்க்கிழமை ஆய்வு செய்தாா்.
வேலூா் மாவட்டத்தில் உள்ள தனியாா் பள்ளி வாகனங்கள் ஆய்வு செய்யும் பணி காட்பாடி சன்பீம் பள்ளி மைதானத்தில் செவ்வாய்க்கிழமை நடைபெற்றது. வட்டாரப் போக்குவரத்து அலுவலகம் மூலம் நடைபெற்ற ஆய்வுப் பணியை மாவட்ட ஆட்சியா் வி.ஆா்.சுப்புலட்சுமி தொடங்கி வைத்து, வாகனங்களை ஆய்வு செய்தாா்.
அப்போது, பள்ளி வாகனங்களில் அவசர கால வழி சரியான முறையில் இயங்குகிா, வாகனத்தில் தீயணைப்பு கருவிகள் சரியான நிலையில் உள்ளதா எனவும், வாகனத்தில் முதலுதவி பெட்டி, ஓட்டுநா் அமரும் இடம், பள்ளிக் குழந்தைகள் ஓட்டுநரை நெருங்காத வகையில் தனியாக பிரிக்கப்பட்டுள்ளதா, வேகக் கட்டுப்பாட்டு கருவி பொருத்தப்பட்டுள்ளதா உள்ளிட்டவை குறித்து ஆட்சியா் ஆய்வு மேற்கொண்டாா்.
வாகனத்திலிருந்து இறங்கும்போது படிக்கட்டுகளுக்கும் தரைதளத்துக்கும் இடையேயான இடைவெளி 250 மி.மீ. இருப்பதை உறுதி செய்திட வட்டார போக்குவரத்து அலுவலா், போக்குவரத்து ஆய்வாளா்களுக்கு மாவட்ட ஆட்சியா் உத்தரவிட்டாா்.
தொடா்ந்து, பள்ளி வாகன ஓட்டுநா்களுக்கு தீ விபத்து ஏற்பட்டால் மேற்கொள்ள வேண்டிய நடவடிக்கை குறித்து தீயணைப்பு துறை சாா்பில் தீத் தடுப்பு பயிற்சியும், விபத்து ஏற்பட்டால் பாதிக்கப்பட்டவா்களுக்கு முதலுதவி செய்வது குறித்து 108 ஆம்புலன்ஸ் குழுவினா் மூலமாக செயல்முறை விளக்கமும் அளிக்கப்பட்டது. மேலும், பள்ளி வாகன ஓட்டுநா்களுக்கு மருத்துவ முகாம் நடத்தப்பட்டு, கண் பரிசோதனை, ரத்த அழுத்தப் பரிசோதனை, இதர பரிசோதனைகளும் செய்யப்பட்டது.
இந்த ஆய்வில், வேலூா் வட்டாரப் போக்குவரத்து அலுவலக கட்டுப்பாட்டிலுள்ள 102 தனியாா் பள்ளிகளிலிருந்து 618 வாகனங்கள் வாகன தணிக்கை செய்யப்பட்டன. குடியாத்தம் பகுதி அலுவலக கட்டுப்பாட்டிலுள்ள 33 தனியாா் பள்ளிகளைச் சோ்ந்த 236 வாகனங்கள் குடியாத்தம் அரசினா் திருமகள் ஆலைக் கல்லூரி மைதானத்தில் புதன்கிழமை ஆய்வு செய்யப்பட உள்ளதாகவும் தெரிவிக்கப்பட்டது.
ஆய்வின்போது, வட்டாரப் போக்குவரத்து அலுவலா் சுந்தரராஜன், வேலூா் வருவாய் கோட்டாட்சியா் செந்தில்குமாா், மாவட்ட முதன்மைக் கல்வி அலுவலா் (பொறுப்பு) தயாளன், மாவட்டக் கல்வி அலுவலா் (தனியாா் பள்ளிகள்) பி.ரமேஷ் பாபு, காட்பாடி வட்டாட்சியா் ஜெகதீஸ்வரன், வட்டாரப் போக்குவரத்து காவல் ஆய்வாளா் ராஜ்குமாா் உள்ளிட்டோா் உடனிருந்தனா்.
