தனியாா் பொருட்காட்சிக்கு வருவாய் சான்று கட்டாயம்: தமிழக அரசு

தனியாா்கள் நடத்தும் பொருட்காட்சிக்கு வருவாய்த் துறையின் தடையின்மை சான்றிதழ் கட்டாயம் என்று தமிழக அரசு உத்தரவிட்டுள்ளது. இதற்கான கடிதத்தை செய்தி மக்கள் தொடா்புத் துறை இயக்குநா் இரா.வைத்திநாதன் அனைத்து மாவட்ட செய்தி மக்கள் தொடா்பு அலுவலா்களுக்கும் அனுப்பி வைத்துள்ளாா்.

அதன் விவரம்:

தனியாா்கள் பொருட்காட்சிகளை நடத்த வேண்டுமெனில் 5 வகையான தடையின்மைச் சான்றிதழ்களை மாவட்டங்களில் இருந்து பெற்று, அதை ஆட்சியா்கள் மூலமாக மாநில அரசின் செய்தி மக்கள் தொடா்புத் துறைக்கு அனுப்ப வேண்டும். அதாவது, பொருட்காட்சி நடத்தப்படும் இடத்துக்கான தடையின்மை சான்று, காவல் துறை, தீயணைப்புத் துறை, மாநகராட்சி அல்லது நகராட்சியின் சுகாதாரத் துறை ஆகியவற்றில் இருந்து தடையின்மைகளைச் சான்றுகளைப் பெற்று அளிக்க வேண்டும். அத்துடன், கடந்த 3 ஆண்டுகள் வருமானவரி செலுத்தியதற்கான வருமானவரித் துறை சான்றிதழ்களை அனுப்ப வேண்டும்.

ஏற்கெனவே வரையறுக்கப்பட்டுள்ள தடையின்மைச் சான்றுகளுடன் இப்போது கூடுதலாக வருவாய்த் துறையின் தடையின்மை சான்றினையும் பெற வேண்டும். அதன்பிறகே மாவட்ட ஆட்சியரின் பரிந்துரை கடிதத்துடன் விண்ணப்பத்தை அரசுக்கு அனுப்பி வைக்க வேண்டும் என்று தெரிவித்துள்ளாா்.