தினமணி செய்தி எதிரொலி மகாத்மா காந்தி சிலைக்கு கண்ணாடி அணிவிப்பு

பிரதான அடையாளமான கண்ணாடி இல்லாமல் உள்ள காந்தி சிலை என தினமணியில் வெளியான செய்தியை அடுத்து சிலைக்கு கண்ணாடி அணிவிக்கப்பட்டது.

திருப்பத்தூா் அவுசிங் போா்டு பகுதியில் மகாத்மா காந்தி பிரதான அடையாளமான கண்ணாடி இன்றி உள்ள சிலை குறித்து அண்மையில் புகைப்படத்துடன் தினமணியில் செய்தி வெளியானது.

இந்த நிலையில், சனிக்கிழமை காந்தி சிலைக்கு கண்ணாடி அணிவிக்கப்பட்டது. இதைக் கண்ட பகுதி அப்பகுதி மக்கள், காந்தியவாதிகள் மகிழ்ச்சி தெரிவித்தனா்.