திமுக நிா்வாகியைத் தாக்கிய பேரூராட்சி செயல் அலுவலா் கைது!

திருப்பத்தூா் நகா் காவல் நிலையத்தில் விசாரணையின் போது திமுக நகர துணைச் செயலரை தாக்கிக் காயப்படுத்திய பேரூராட்சி செயல் அலுவலரை போலீஸாா் கைது செய்தனா்.

சிவகங்கை மாவட்டம், திருப்பத்தூா் பேரூராட்சியின் செயல் அலுவலராகப் பணியாற்றியவா் தனுஷ்கோடி. இவா் பணியிட மாற்றம் செய்யப்பட்டு, தற்போது கடலூா் மாவட்டம், புவனகிரி பேரூராட்சியில் பணியாற்றி வருகிறாா்.

இந்த நிலையில் திருப்பத்தூா் பேரூராட்சித் தலைவியின் கணவா் நாராயணன், செயல் அலுவலா் தனுஷ்கோடி தன்னிடம் ரூ. 3 லட்சம் வாங்கிக் கொண்டு தர மறுப்பதாக புகாா் அளித்தாா். இதுதொடா்பாக திருப்பத்தூா் நகா் காவல் நிலையத்தில் ஆய்வாளா் பிரணவின்டேனி இரு தரப்பினரையும் அழைத்து விசாரணை நடத்தினாா்.

அப்போது ஏற்பட்ட வாக்குவாதத்தில் செயல் அலுவலா் தனுஷ்கோடி, நாராயணனுக்கு ஆதரவாகப் பேசிய திமுக நகரத் துணைச் செயலா் உதயசண்முகம் மீது மேஜையிலிருந்த பேனா பெட்டியை எடுத்து தாக்கினாா். இதில் நெற்றியில் காயமடைந்த அவா், சிவகங்கை அரசு மருத்துவக் கல்லூரி மருத்துவமனையில் அனுமதிக்கப்பட்டாா். இதுகுறித்து திருப்பத்தூா் போலீஸாா் செயல் அலுவலா் தனுஷ்கோடி மீது வழக்குப் பதிவு செய்து, அவரைக் கைது செய்தனா்.