திருச்சி: காவிரி ஆற்றங்கரையில் இரண்டாவது முறையாக கிடைத்த ராக்கெட் லாஞ்சர்! - அதிர்ச்சியில் மக்கள்

திருச்சி மாவட்டம், அந்தநல்லூர் அருகே காவிரி ஆற்றின் கரையில் கடந்த மாதம் 30 - ஆம் தேதி ராக்கெட் லாஞ்சர் ஒன்று கண்டெடுக்கப்பட்டது. அதுகுறித்து போலீஸார் விசாரணை செய்ததில், அது கொரிய போரின் போது அமெரிக்க ராணுவத்தால் பயன்படுத்தப்பட்டது என்பது தெரிய வந்தது. அதனைத் தொடர்ந்து, அந்த ராக்கெட் லாஞ்சரை வெடிகுண்டு நிபுணர்கள் செயலிழக்கச் செய்தனர். அதேநேரம், அது எப்படி அந்தநல்லூர் பகுதிக்கு வந்தது என்பது குறித்து போலீஸார் விசாரணை மேற்கொண்டு வருகின்றனர். இந்த நிலையில், இன்று அந்தநல்லூர் காவிரி ஆற்றின் கரையில் சிலர் மீன் பிடித்துக் கொண்டிருந்த பொழுது மீண்டும் அதே இடத்தில் ராக்கெட் லாஞ்சர் ஒன்று மிதந்து வந்துள்ளது.

இது குறித்து அங்கிருந்தவர்கள் ஜீயபுரம் காவல் நிலையத்திற்கு தகவல் தெரிவித்தனர். அவர்கள் கொடுத்த தகவலை தொடர்ந்து சம்பவ இடத்திற்கு சென்ற போலீஸார் அந்த ராக்கெட் லாஞ்சரை பத்திரமாக மீட்டு அதனை பாதுகாப்பாக எடுத்துச் சென்றனர். ஒரே இடத்தில் அடுத்தடுத்து கிடைக்கும் ராக்கெட் லாஞ்சர் விவகாரம் திருச்சி மாவட்ட மக்களை அதிர வைத்திருக்கிறது. இதுகுறித்து போலீஸார் தீவிர விசாரணை மேற்கொண்டு வருகின்றனர். திருச்சி காவிரி ஆற்றில் இரண்டாவது முறையாக, ராக்கெட் லாஞ்சர்கள் கிடைப்பது திருச்சி மாவட்டத்தில் பரபரப்பை ஏற்படுத்தியிருக்கிறது.

நீங்கள் விரும்பி படித்த தொடர்கள், இப்போது ஆடியோ வடிவில்... புத்தம் புதிய விகடன் ப்ளே... உங்கள் அன்றாட பணிகளை கவனித்துக் கொண்டே ரசித்து கேட்க, உடனே இன்ஸ்டால் செய்யுங்கள்...

https://bit.ly/ParthibanKanavuAudioBook