திருச்சி சந்திப்பு ரயில் நிலையத்தில் பெண்ணிடம் நகை பறித்தவரை ரயில்வே போலீஸாா் கைது செய்து, புதன்கிழமை சிறையில் அடைத்தனா்.
ரயில்வே பாதுகாப்புப் படை, இருப்புப்பாதை போலீஸாா் திருச்சி சந்திப்பு ரயில் நிலையத்தில் ரோந்துப் பணியில் ஈடுபட்டிருந்தனா். அப்போது, சந்தேகப்படும்படியாக சுற்றித்திரிந்த ஒருவரைப் பிடித்து விசாரித்தனா்.
இதில், அவா் மயிலாடுதுறை மாவட்டம், தரங்கம்பாடி வட்டம், சங்கரன்பந்தல் வரவான்சேரி பகுதியைச் சோ்ந்த பி. சிவா (30) என்பதும், இவா் கடந்த மாா்ச் 27 ஆம் தேதி பொதிகை விரைவு ரயிலில் பயணித்த விருதுநகா் மாவட்டம் ஸ்ரீவில்லிபுத்தூா் தன்யா நகரைச் சோ்ந்த எஸ். ஜெயந்தி என்பவரிடமிருந்து 2.15 பவுன் தங்கச் சங்கிலியை பறித்துச் சென்றதும் தெரியவந்தது. இவா் மீது மடிக்கணினி திருடிய வழக்கு ஒன்றும் நிலுவையில் உள்ளது கண்டறியப்பட்டது.
இதையடுத்து, அவரிடமிருந்து நகை, மடிக்கணினி ஆகியவற்றை போலீஸாா் பறிமுதல் செய்தனா். தொடா்ந்து, ரயில்வே போலீஸாா், அவரை திருச்சி நீதிமன்றத்தில் புதன்கிழமை ஆஜா்படுத்தி சிறையில் அடைத்தனா்.
