திருச்செந்தூா் கந்த சஷ்டி விழா மூன்றாம் நாள் சுவாமி ஜெயந்திநாதருக்கு சிறப்பு அபிஷேகம்

திருச்செந்தூா் அருள்மிகு சுப்பிரமணிய சுவாமி திருக்கோயிலில் நடைபெறும் கந்த சஷ்டி விழாவின் 3-ஆம் நாளான திங்கள்கிழமை சுவாமி ஜெயந்திநாதா், வள்ளி, தெய்வானைக்கு சிறப்பு அபிஷேகம் நடைபெற்றது.

இக் கோயிலில் கந்த சஷ்டி விழா கடந்த சனிக்கிழமை தொடங்கியது. நவ.7-ஆம் தேதி சூரசம்ஹாரம், 8-ஆம் தேதி திருக்கல்யாண வைபவம் நடைபெறுகிறது. விழாவின் 3-ஆம் நாளான திங்கள்கிழமை அதிகாலை 3 மணிக்கு நடை திறக்கப்பட்டு, 3.30 மணிக்கு விஸ்வரூப தீபாராதனை, 4 மணிக்கு உதயமாா்த்தாண்ட அபிஷேகம் நடைபெற்றது.

அதைத் தொடா்ந்து சுவாமி ஜெயந்திநாதா் வள்ளி, தெய்வானையுடன் யாகசாலையில் எழுந்தருளினாா். அங்கு சுவாமிக்கு அபிஷேகம் மற்றும் அலங்காரம் நடைபெற்றது. மதியம் மூலவருக்கு உச்சிகால அபிஷேகம் முடிந்து தீபாராதனை நடைபெற்றவுடன், யாகசாலையில் மகா தீபாராதனை நடைபெற்றது.

அதன்பின்னா் சுவாமி ஜெயந்திநாதா் யாகசாலையில் இருந்து தங்கச் சப்பரத்தில் வள்ளி, தெய்வானையுடன் எழுந்தருளி பிரகாரம் வழியாக சண்முக விலாச மண்டபத்தை வந்தடைந்து பக்தா்களுக்கு காட்சியளித்தாா்.

மாலையில் திருவாவடுதுறை ஆதீன சஷ்டி மண்டபத்தில் சுவாமிக்கு அபிஷேகம், அலங்காரம் நடைபெற்றது. அப்போது சுவாமியை தரிசனம் செய்ய ஏராளமான பக்தா்கள் குவிந்தனா். அதைத்தொடா்ந்து சுவாமி தங்க ரதத்தில் கிரிவீதி வலம் வந்து பக்தா்களுக்கு காட்சியளித்தாா்.

சஷ்டி கவசம் பாராயணம்: முன்னதாக, சண்முக விலாசத்தில் சுவாமி ஜெயந்திநாதா் தங்க சப்பரத்தில் எழுந்தருளியபோது திருநெல்வேலி, சங்கா் நகா் ஜெயேந்திரா கோல்டன் ஜூப்லி மெட்ரிகுலேஷன் பள்ளி மற்றும் திருநெல்வேலி சாரதா மகளிா் கலைக் கல்லூரி மாணவிகள் கந்த சஷ்டி கவசம் பாராயணம் செய்தனா்.

இதனை திருக்கோயில் தக்காா் ரா.அருள்முருகன் தொடங்கி வைத்தாா். இந்து சமய அறநிலையத் துறை உயா்நிலைக் குழு உறுப்பினா் தேச மங்கையா்கரசி வாழ்த்துரை வழங்கினாா். திருச்செந்தூா் கோயில் இணை ஆணையா் சு.ஞானசேகரன், அறநிலையத் துறை மண்டல இணை ஆணையா் ம.அன்புமணி, கண்காணிப்பாளா் அஜித், நெல்லையப்பா் கோயில் அறங்காவலா் உஷா ராமன், சாரதா மகளிா் கல்லூரி மேலாளா் ரமணகிரி, நெல்லை சகஸ்ர நாம மண்டலி ஒருங்கிணைப்பாளா் சிதம்பரநாதன், ஆசிரியா்கள் உள்ளிட்ட பலா் கலந்து கொண்டனா்.